Шүүхийн эрх зүй бие даасан салбар эрх зүй болох нь

Батсайханы Өлзийсайхан

Эрдэм шинжилгээний өгүүлэл

Шүүх эрх мэдэл

Монгол Улсын 1992 оны Үндсэн хуулиар төрийн эрх мэдлийг “Хууль тогтоох, гүйцэтгэх, шүүх эрх мэдэл”-д хуваарилан, төрийн үйл ажиллагаанд баримтлах зарчмыг бэхжүүлж, улмаар уг хуульд заасан суурь хэм хэмжээнд нийцүүлэн эрх зүйн шинэтгэлийг эхлүүлсэн билээ.
Энэхүү эрх зүйн шинэтгэлийн хүрээнд Шүүх эрх мэдлийн шинэтгэлийг эрчимжүүлэхэд Шүүхийн тухай 1993, 2002 оны хууль, Шүүхийн 2012 оны багц хууль (Шүүхийн тухай, Шүүхийн захиргааны тухай, Шүүгчийн эрх зүйн байдлын тухай, Хуульчийн эрх зүйн байдлын тухай, Шүүхийн иргэдийн төлөөлөгчийн эрх зүйн байдлын тухай тус тус хууль) тодорхой хувь нэмрээ оруулж ирсэн байна.
Монгол Улсын Үндсэн хуульд оруулсан 2019 оны нэмэлт, өөрчлөлтөд Шүүхийн багц хууль болон холбогдох бусад хуулийг нийцүүлэх, эрх зүйн шинэтгэлийг гүнзгийрүүлэх, төгөлдөршүүлэх үйл явцын хүрээнд Шүүхийн тухай хуулийн шинэчилсэн найруулга (2021 оны 1 дүгээр сарын 15-ны өдөр баталж, 2021 оны 3 дугаар сарын 1-ний өдрөөс дагаж мөрдөнө)-ыг тэргүүн ээлжид баталжээ.
Эдгээр эрх зүйн эх сурвалж нь Шүүхийн эрх зүйг бие даасан салбар эрх зүйн хувьд хөгжих шалгуур, эрх зүйн үндэслэлийг бүрдүүлсэн болно. Шүүхийн эрх зүйг бие даасан салбар эрх зүйн хувьд судлан хөгжүүлснээр Монгол Улсын хууль зүйн шинжлэх ухааны хөгжилд онолын ач холбогдолтойг илтгэн харуулахын зэрэгцээ эрх зүйн боловсролыг төлөвшүүлэхэд бодитой хувь нэмэр оруулах болно.

Шүүх эрх мэдэл, шүүх, шүүхийн эрх зүй, бие даасан салбар эрх зүй, шүүхийн сахилгын хороо, шүүхийн ёс зүй, шүүгч, шүүхийн захиргаа

2021-02-23

14

Монгол

Бүрэн эхээр нь үзэх

2021-10-22

4233

62

57

Б.Өлзийсайхан “Шүүхийн эрх зүй бие даасан салбар эрх зүй болох нь” (2021), ... дахь/дэх тал. Legaldata-аас унших боломжтой: https://legaldata.mn/b/1090

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх