Зохиогчийн эрх болон түүнд хамаарах эрхийг зөрчих гэмт хэргийн зохицуулалт: хийдэл, зөрчилтэй хэм хэмжээ

Энхбаярын Анударь

Бакалаврын ажил

Эрүүгийн эрх зүй

Монгол Улсад оюуны өмчийн эрх зүйн салбарын хөгжил бусад салбарын эрх зүйтэй харьцуулахад удаан явагдаж байна. Үүний тод илрэл нь зохиогчийн эрх, барааны тэмдэг эзэмших эрх, шинэ бүтээл, бүтээгдэхүүний загварын патент эзэмших эрхийг хамгаалах 2015 оны Эрүүгийн хуулийн шинэчилсэн найруулгад орсон зохицуулалтыг шүүхийн практикт хэрэглэсэн тохиолдол байхгүй байгаагаас харагдана. Түүнчлэн зохиогчийн эрх болон түүнд хамаарах эрхийг зөрчих гэмт хэргийг 2015 оны Эрүүгийн хуулиар хуульчлахдаа зохиогчийн эрхийг хамгаалж ирсэн уламжлалаас дордуулж, олон улсын жишигт нийцээгүй, практик хэрэгжих боломжгүй байдлаар зохицуулсан. Эрүүгийн хуулийн 18.17 дугаар зүйлд заасан гэмт хэрэг, 2017 оны Зөрчлийн тухай хуулийн 8.3 дугаар зүйлд заасан зөрчил хоорондын зааг ялгаа тун бүдэг, эдгээр хуулиар хүлээлгэх хариуцлага нь хоорондоо зөрчилдөж байгаагаас болж зохиогчийн эрхийн эрүүгийн эрх зүйн хамгаалалт хэрэгжих боломжгүй нөхцөл бүрджээ.
Тус судалгааны ажлаар 2015 оны Эрүүгийн хуулийн зохиогчийн эрх болон түүнд хамаарах эрхийг зөрчих гэмт хэргийг зохицуулсан хэм хэмжээний хийдэл, зөрчлийг тодорхойлж, гадаад улс орны зохиогчийн эрхийн эрүүгийн эрх зүйн хамгаалалт, Зохиогчийн эрх болон түүнд хамаарах эрхийн тухай хуулийн шинэчилсэн найруулгын төслийг харьцуулан судлах замаар тухайн гэмт хэргийн зохицуулалтын хийдэл, зөрчлийг арилгах, боловсронгуй болгох санал боловсруулсан болно.

оюуны өмч, зохиогчийн эрх, зохиогчийн эрх болон түүнд хамаарах эрх, зохиогчийн эрх болон түүнд хамаарах эрхийг зөрчих гэмт хэрэг, зохиогчийн эрх болон түүнд хамаарах эрхийн зөрчил, зохиогчийн эрхийн хамгаалалт, хуулийн хийдэл.

2021-06-25

100

Монгол

Бүрэн эхээр нь үзэх

2021-10-27

2622

326

111

Э.Анударь “Зохиогчийн эрх болон түүнд хамаарах эрхийг зөрчих гэмт хэргийн зохицуулалт: хийдэл, зөрчилтэй хэм хэмжээ” (2021), ... дахь/дэх тал. Legaldata-аас унших боломжтой: https://legaldata.mn/b/1097

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх