Жендерийн тэгш эрхийн асуудал

Дугарын Сүнжид

Эрдэм шинжилгээний өгүүлэл

Үндсэн хуулийн эрх зүй

Монгол Улсын Үндсэн хуульд заасан хүмүүнлэг, ардчилсан нийгэм байгуулах үндсэн зорилготой уялдан хүн бүр адил боломжтой байх, хүн бүр нийгмийн харилцаанд оролцох эхний боломжийг адил тэгш хангах зэрэг агуулга мөн давхар хамгаалагдана. Үндсэн хуулийн Арван дөрөвдүгээр зүйлийн 2 дахь заалтад зааснаар “Хүнийг үндэс, угсаа, хэл, арьсны өнгө, нас, хүйс, нийгмийн гарал байдал, хөрөнгө чинээ, эрхэлсэн ажил, албан тушаал, шашин шүтлэг, үзэл бодол, боловсролоор нь ялгаварлан гадуурхаж үл болно.” Энэхүү Үндсэн хуулийн заалтыг нарийвчлан Арван зургадугаар зүйлийн 11 дэх заалтад “улс төр, эдийн засаг, нийгэм соёлын амьдрал, гэр бүлийн харилцаанд эрэгтэй, эмэгтэй тэгш эрхтэй” хэмээн заасан байдаг. Энэ шинжийг тодруулахад юун түрүүнд хүйсээр ялгаварлан гадуурхахгүй байх болон жендэрийн эрх тэгш байдал хэмээх хоёр ойлголт хэрэглэдэг ба хүйс нь биологийн шинжийг илэрхийлдэг бол харин жендэр нь нийгмийн бүх төрлийн харилцаанд хүйсээс үл хамааран адил тэгш оролцох тухай илэрхийлдэг гэж үздэг.

Жендэрийн тэгш байдлыг хангахын тулд ажлын, амьдралын, нийгмийн хүрээ салбарын харилцаанд тэнцвэртэй харилцаанд оролцох боломжийг бүрдүүлэхийг ойлгодог. Тухайлбал ажиллах, амрах цаг адилхан байх, хөдөлмөрлөх харилцаанд оролцох эрх, ажилд орох адил боломж тэгш олгогдсон байх, адил цалин хөлс авах, ажилдаа ахиж дэвших боломж, ямарваа дарамтаас тухайлбал бэлгийн дарамт зэргээс ангид байх зэргийг жишээлэн нэрлэж болно. Нийгмийн бүхий л хүрээ салбар уялдаа холбоо, шүтэлцээтэй тул жендэрийн эрх тэгш байдлыг хангах асуудал салбар дундын шийдэл шаардлагатай бөгөөд тогтвортой хөгжлийг тодорхойлохдоо талуудыг жигд оролцуулах, байгалийн, нийгмийн, технологийн бүх салбар хүрээнд тэнцвэртэй хөгжих талаар тухайлан зорьдог билээ. Энэхүү сэдвийн хүрээнд зарим тухайлсан салбар болох улс төр, эдий засаг, боловсрол, эрүүл мэнд, хөдөлмөрийн салбарын жендэрийн үзүүлэлт, статистик мэдээлэл, өнөөдрийн нөхцөл байдлыг танилцуулж, шийдлийг эрэлхийлэхэд саналаа хуваалцана.

Жендэр, тэгш эрх, ялгаварлан гадуурхахыг хориглох зарчим, хөгжих эрх, жендерийн үзүүлэлт

2021-12-11

22

Монгол

Бүрэн эхээр нь үзэх

2022-02-21

3720

103

26

Д.Сүнжид “Жендерийн тэгш эрхийн асуудал” (2021), ... дахь/дэх тал. Legaldata-аас унших боломжтой: https://legaldata.mn/b/1174

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх