Монгол Улс дахь сэтгэл санааны гэм хорыг арилгах эрх зүйн зохицуулалт: онол, практикийн асуудал

Батмөнхийн Лхагвасүрэн

Эрдэм шинжилгээний өгүүлэл

Гэм хорын эрх зүй

Монгол Улсын Иргэний хуулийн 6.2 дахь хэсэгт “ ... эдийн бус эрх ... иргэний эрх зүйн обьект байна”, 9.4.4 дэх хэсэгт иргэний эрхийг эдийн бус гэм хорыг арилгах аргаар хамгаална гэж зааснаар эдийн бус гэм хорын хохирлыг нөхөн төлүүлэх үндэс бүрдсэн. Гэвч манай улсад сэтгэл санааны гэм хорыг яагаад арилгах шаардлагатай, ямар тохиолдолд хохирогчийн эрх зөрчигдсөн, хөндөгдсөн гэж үзэж болох нь маргаан дагуулсаар байна. Зохиогчийн үзэж байгаагаар сэтгэл санааны гэм хорыг арилгуулах нь хүний эрүүл оршихуйн үндсэн нөхцлийг хангах тул бусдын хууль бусаар учруулсан хохирлыг нөхөн төлүүлэх эрхийн категорт хамаарч хамгаалагдах ёстой юм. Учир нь хэн нэгний буруутай үйлдлээс шалтгаалж бие махбодь, сэтгэл санаа, эдийн засагт нь гэм хор учрах нь тухайн хүний амьдралын чанарт, цаашилбал нийгмийн сайн сайхан байдалд нөлөөлдөг дам хор уршигтай. Хүний эрүүл мэндээ хамгаалуулан бусдын хууль бусаар учруулсан хохирлыг нөхөн төлүүлэх эрх нь Үндсэн хуулиар хамгаалагдсан эрх тул шүүхээс Монгол Улсын Үндсэн хуулийн заалтад нийцүүлэн сэтгэл санааны гэм хорыг мөнгөн болон бусад хэлбэрээр арилгуулахаар шийдвэрлэх нь зүйтэй. Мөн түүнчлэн, төрөөс Үндсэн хуулийн Арван есдүгээр зүйлийн 1 дэх хэсэгт заагдсан үүргээ биелүүлж сэтгэл санааны гэм хорыг арилгахтай холбогдсон журам батлах зэргээр эрх зүйн орчныг баталгаажуулах ёстой юм.

Сэтгэл санааны гэм хор, эрүүл мэндийн байдал, хохирол нөхөн төлүүлэх эрх, сэтгэл санааны гэм хорыг арилгах журам, Үндсэн хуульд нийцсэн шүүхийн шийдвэр

2021-11-27

16

Монгол

Бүрэн эхээр нь үзэх

2022-07-19

4986

150

26

Б.Лхагвасүрэн “Монгол Улс дахь сэтгэл санааны гэм хорыг арилгах эрх зүйн зохицуулалт: онол, практикийн асуудал” (2021), ... дахь/дэх тал. Legaldata-аас унших боломжтой: https://legaldata.mn/b/1316

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх