Иргэдийн хоол хүнсний тэжээллэг байдлыг хангах асуудалд төрийн үүрэг оролцоо чухал болох нь

Батмөнхийн Лхагвасүрэн

Эрдэм шинжилгээний өгүүлэл

Үндсэн хуулийн эрх зүй

Хүн амьдралынхаа туршид эрүүл оршин байхын тулд шим тэжээллэг хүнсийг зөв, зохистой хэрэглэх шаардлагатай бөгөөд энэхүү хэрэгцээ нь хүний бие махбодийн бүтэц, үйл ажиллагааны механизмаас хамаардаг зайлшгүй зүйл юм. Тодруулбал, хүмүүс бид бие махбодийн хэвийн ажиллагааг хангах үүрэгтэй 6 шимт бодис (нүүрс ус, өөх тос, уураг, аминдэм, эрдэс бодис, ус)-ыг өдөр тутмын хоол хүнснээсээ авч чаддаг байх ёстой. Монгол Улсад хүнсний талаар хэрэгжиж буй бүхий л хууль тогтоомж, дүрэм журам, баримт бичгүүдэд энэхүү агуулгыг тусгаж өгсөн байдаг ч бодит нөхцөлд иргэд хүссэн хэмжээгээрээ чанартай хүнс хэрэглэх боломжгүй байна. Ийнхүү эрүүл, шим тэжээллэг хоол хүнсийг орлогын түвшингээс үл хамааран сонгон хэрэглэх нөхцөл хангагдахгүй байгаа нь иргэдийг олон шимт бодисын дутагдалд оруулж, өвчин эмгэгтэй болох суурь хүчин зүйл болдгыг олон судалгааны үр дүн харуулсан байдаг. Монгол Улсын Хүнсний тухай хуулийн зорилт нь хүн амын хүнсний хэрэгцээг чанартай, шим тэжээллэг, аюулгүй хүнсээр тогтвортой, хүртээмжтэй хангах бөгөөд тус хуулийн 3 дугаар зүйлийн 3.1.7 дахь хэсэгт “шим тэжээллэг хүнс” гэж хүний бие махбодийн хэвийн үйл ажиллагаа, өсөлт хөгжилтийг хангах, илч зарцуулалтыг нөхөх уураг, өөх тос, нүүрс ус, эрдэс бодис, амин дэм болон ашигтай бичил биетний зохистой агууламжтай хүнсийг хэлнэ гэж заасан. Гэсэн хэдий ч хүнсний бүтээгдэхүүн, ялангуяа эрүүл, чанартай, шим бодисын агууламж ихтэй хүнсний бүтээгдэхүүний үнэ өндөр байдгаас иргэд хүссэн ч өөр сонголтыг хийдэг болоод байна. Энэ нь орлогын тэгш бус байдал, зах зээлийн гажуудал, хуулийн хэрэгжилт болон бодлогын хангалтгүй байдал гэх мэт олон хүчин зүйлээс үүсэлтэй. Гэвч энэхүү нөхцөл байдлыг төрөөс иргэдийн ихээр хэрэглэх боломжтой хүнсийг зайлшгүй аминдэм, эрдэс бодисоор баяжуулах, цаашилбал, хүн амын хоол тэжээлийн талаар тусгай бодлого хэрэгжүүлж хүнсний үнийг хямд, тогтвортой барих, зэргээр сайжруулах боломж бас бий юм.

хоол тэжээл, хоол хүнс, шимт бодисууд, эрүүл бие махбодь, эрүүл үндэстэн, хүнсний салбар дахь төрийн үүрэг

2021-11-15

11

Монгол

Бүрэн эхээр нь үзэх

2022-07-19

3248

40

15

Б.Лхагвасүрэн “Иргэдийн хоол хүнсний тэжээллэг байдлыг хангах асуудалд төрийн үүрэг оролцоо чухал болох нь” (2021), ... дахь/дэх тал. Legaldata-аас унших боломжтой: https://legaldata.mn/b/1317

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх