Бүтээлийн нэр
Хувьцаат компани дахь хөндлөнгийн аудитын эрх зүйн тулгамдсан зарим асуудлууд, түүнийг шийдвэрлэх арга замууд
Хэлбэр
Бакалаврын төгсөлтийн ажил
Салбар
Компани
Бүтээлийн товч
Монгол Улс төвлөрсөн төлөвлөгөөт эдийн засгийг халж, зах зээлийн эдийн засаг бүхий ардчилсан нийгэмд шилжин улмаар дотоодын нийт бүтээгдэхүүний дийлэнхийг бүтээдэг коммунист улсын үйлдвэрүүдийг хувьчлах замаар хөрөнгийн зах зээл үүссэн энэ үеэс төр гэх ганц субьект бус, олон тооны хувийн хэвшлийн ноёрхол бий болсон. Тухайлбал, 1995 он буюу өмч хувьчлал эхэлснээс ердөө гурван жилийн дараа Монгол улсад 466 хувьцаат компани үүсэн бий болсон гэсэн тоон судалгаа байдаг.

Ийнхүү хувьцаат компани үүсэн бий болсноор санхүүгийн тайланг хянах хяналтын механизм шаардлагатай болсон бөгөөд үүнд чиглэсэн баримтыг хянаж дүгнэлт гаргах, зөвлөмж өгөх хараат бус, мэргэжлийн үйл ажиллагааг хариуцдаг хөндлөнгийн аудитын байгууллага бий болгосон байна. Улмаар манай улсын хувьд хагас зууны түүх ч үзээгүй шинээр гарч ирсэн ойлголт болох Хувьцаат компани дахь хөндлөнгийн аудитын ойлголт, асуудлыг манай улс хэд хэдэн хуулиудаар зохицуулж ирсэн байна. Тухайлбал, 1995 оны Нөхөрлөл Компанийн тухай хуулиас авахуулаад 1999 оны Компанийн тухай хууль, 2011 оны Компанийн шинэ хууль болон Аудитын тухай хууль, Нягтлан бодох бүртгэлийн тухай хуулиудыг ашигласаар ирсэн. Гэсэн ч хувьцаат компани дахь хөндлөнгийн аудитад хэд хэдэн эрх зүйн тулгамдсан асуудлууд байна.

Жишээлбэл, нэгдүгээрт 2011 оны Компанийн тухай хуулиар хувьцаат компани нь хөндлөнгийн аудитыг сонгон гэрээ байгуулдаг бие даасан аудитын хороотой болсон бөгөөд тус хуулиар аудитын хороо нь хараат бус аудитыг сонгох эрхтэй субьектээр зохицуулсан байх боловч, түүнээс гадна ТУЗ адил эрхтэй байх нь хараат бус тогтолцооны асуудлыг хөндөж байна. Хоёрдугаарт хөндлөнгийн аудитын үйл ажиллагааг ХХК хэлбэрээр байгуулах нь хариуцлагын хувьд бодит болж чадах эсэх нь эргэлзээтэй байна. Эцэст нь хөндлөнгийн аудитыг сэлгэх нь практикт эрх зүйн хийдэлтэй зохицуулалт болж байна. Харамсалтай нь социалист нийгмийн урт удаан түүхтэй Монгол улсын хувьд дээрх асуудлууд нь харьцангуй шинэлэг зүйл болох нь ойлгомжтой зүйл мөн.

Иймээс миний бие хувьцаат компани дахь хөндлөнгийн аудитын эрх зүйн тулгамдсан асуудлуудыг хөндөн, түүнийг шийдвэрлэх арга замыг санал дэвшүүлэх хэлбэрээр энэхүү судалгааг хийх үндэслэл болов.
Түлхүүр үг
Хувьцаат компани, аудит, хөндлөнгийн аудит, хараат бус байдал, түүний эрх, үүрэг, эрх зүйн зохицуулалт, тулгамдсан асуудал
Бичигдсэн огноо
2022-05-28
Хуудсын тоо
57
Хэл
Монгол
Байршуулсан огноо
2022-09-16
Товч мэдээлэл үзсэн
471
Бүрэн эхээр нь үзсэн
11
Эшлэлийн тоо
157
Санал болгож буй эшлэлийн загвар
М.Оюунхорол “Хувьцаат компани дахь хөндлөнгийн аудитын эрх зүйн тулгамдсан зарим асуудлууд, түүнийг шийдвэрлэх арга замууд” (2022), ... дахь/дэх тал. Legaldata-аас унших боломжтой: https://legaldata.mn/b/1349
Цуглуулганд нэмэх
Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх