Шинэ төрлийн гэмт хэргийн шийдвэрлэлтийн байдал

Бауржаны Досжан Самбуугийн Эрдэнэболор Ц.Алтанцэцэг, Б.Энхбаяр, Н.Арвинтариа, С.Байгалмаа, Д.Санчир

Нээлттэй Нийгэм Форумын зүгээс Шинэ төрлийн гэмт хэргийн шийдвэрлэлтийн байдал судалгааны тайланг Ц.Алтанцэцэг, С.Эрдэнэболор, Б.Энхбаяр, Б.Досжан, Н.Арвинтариа, С.Байгалмаа, Д.Санчир нарын гүйцэтгэснээр хүргэж байна.

Судалгааны тайлан

Эрүүгийн эрх зүй

Монгол Улсын Эрүүгийн эрх зүйн шинэчлэлийн хүрээнд Эрүүгийн хуулийг (шинэчилсэн найруулга) 2015 оны 12 дугаар сарын 3-ны өдөр баталж, 2017 оны 7 дугаар сарын 1-ний өдрөөс эхлэн дагаж мөрдөж ирлээ. Эрүүгийн эрх зүйн тогтолцооны шинэчлэл нь шинээр хамгаалах шаардлагатай үнэт зүйлсийг Эрүүгийн хуульд тусгаж, хүний эрх, эрх чөлөө, халдашгүй байдлыг жинхэнэ утгаар хамгаалах хууль эрх зүйн баталгаатай орчныг бүрдүүлэхэд чиглэсэн билээ.

Эрүүгийн хуульд хүний орон байранд хууль бусаар халдах, хууль бусаар нэгжих, эд хөрөнгө хураан авах, битүүмжлэх, ялгаварлан гадуурхах, заналхийлэх, хууль бусаар мөрдөн мөшгөх, гэр бүлийн хүчирхийлэл үйлдэх зэрэг 30 гаруй төрлийн гэмт хэргийг шинээр нэмсэн.

Монгол Улсад Гэмт хэргээс урьдчилан сэргийлэх ажлыг зохицуулах зөвлөл болон Олон улсын хөгжлийн эрх зүйн байгууллага (IDLO), НҮБ-ын Хүн амын сан, Азийн хөгжлийн банк зэрэг байгууллагуудаас Монгол Улсад хэрэгжүүлж буй гэр бүлийн хүчирхийлэлтэй тэмцэх чиглэлээрх төсөл, хөтөлбөрийн хүрээнд ялгаварлан гадуурхах, заналхийлэх, мөрдөн мөшгөх зэрэг шинэ төрлийн гэмт хэргийг мөрдөн шалгах, шүүн таслах ажиллагаанд хийсэн ямар нэг судалгаа байхгүй байна.

Иймд хүний эрх, эрх чөлөөг хамгаалахад чухал ач холбогдол бүхий эдгээр гэмт хэргийг шалган шийдвэрлэж буй байдал, практикт тулгамдаж буй асуудал, хүндрэл бэрхшээлийг судалж, хуулийн зүйл, заалтыг нэг мөр ойлгож, хэрэглэхэд дэмжлэг үзүүлэх зорилгоор энэхүү судалгааг хийлээ.

Энэ судалгааг Нээлттэй Нийгэм Форумын санхүүгийн дэмжлэгтэйгээр Хүчирхийллийн эсрэг үндэсний төв ТББ эрхлэн Отгонтэнгэр Их сургуулийн Хууль зүйн сургуулийн судлаачдын багтай хамтран гүйцэтгэсэн болно.

гэр бүлийн хүчирхийлэл, заналхийлэх гэмт хэрэг, ялгаварлан гадуурхах, хууль бусаар мөрдөж мөшгөх, эрүүгийн хууль, шүүхээр шийдвэрлэсэн байдал

2021-06-01

82

Монгол

Бүрэн эхээр нь үзэх

2023-05-04

2157

47

92

Б.Досжан С.Эрдэнэболор Ц.Алтанцэцэг, Б.Энхбаяр, Н.Арвинтариа, С.Байгалмаа, Д.Санчир “Шинэ төрлийн гэмт хэргийн шийдвэрлэлтийн байдал” (2021), ... дахь/дэх тал. Legaldata-аас унших боломжтой: https://legaldata.mn/b/1561

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх