Газрын эзэмших, өмчлөх эрхтэй холбоотой хэрэг, маргааны хяналтын шатны шүүхийн шийдвэрийн үндэслэлд хийсэн хууль зүйн дүн шинжилгээ

Нээлттэй Нийгэм Форум

Судалгааны баг: Д.Эрдэнэчимэг (LL.M), М.Сувд (Ph.D), М.Ариунаа (LL.M)

Эрх зүйн шүүмж

Газрын эрх зүй

Энэхүү судалгааны ажлын хүрээнд газар өмчлөх, эзэмших эрхтэй холбоотой маргааныг шийдвэрлэж буй Иргэний хэргийн болон Захиргааны хэргийн шүүхийн шийдвэрийн үндэслэлийг
судалж, дүгнэлт өгөхийг зорилоо. Судалгаанд 2015-2018 онд улсын хэмжээнд шийдвэрлэсэн газар өмчлөх, эзэмших, ашиглах, бэлчээрийн газрын доройтол, бэлчээр эзэмших, ашиглах зэрэг эрхийг тогтоолгохтой холбоотой Захиргааны хэргийн шүүхэд болон Иргэний хэргийн шүүхэд шийдвэрлэсэн тус бүр 15, нийт 30 шийдвэрийн хууль зүйн үндэслэлтэй байдалд дүн шинжилгээ
хийлээ. Иргэний болон захиргааны эрх зүйн журмаар газартай холбоотой маргааныг шүүхээс хянан шийдвэрлэх явцад газар өмчлөгчийн эрхийг хэрхэн хангасныг авч үзсэний зэрэгцээ хэрэг
хянан шийдвэрлэх ажиллагааны явцад гарч буй хууль хэрэглээний нийтлэг алдааг тодорхойлж, цаашид авч хэрэгжүүлэх зарим арга хэмжээ, санал, зөвлөмжийг судалгааны дүгнэлтэд дэвшүүлсэн болно.
Судалгааны тайлан нь гурван бүлэг, удиртгал, дүгнэлт хэсэгтэй. Эхний бүлэгт газрын эрх зүйн онолын үндэслэлийн талаар, хоёрдугаар бүлэгт Захиргааны хэргийн шүүхийн шийдвэр, магадлал, тогтоолын агуулга хэсэгт дүгнэлт хийсэн хууль зүйн дүн шинжилгээний талаар, харин гуравдугаар бүлэгт иргэний хэргийн шүүхийн шийдвэр, магадлал, тогтоолын агуулга хэсэгт хийсэн дүн шинжилгээг оруулсан болно. Судалгааны явцад хэрэг, маргааныг шийдвэрлэсэн хуулийн хэрэглээ, шийдвэрийн агуулга, тогтоох хэсэгт дүн шинжилгээ хийв. Харин процессын зөрчил, алдаа бичвэр зэрэгт дүгнэлт өгөхийг зориогүй болно.

газар, газар эзэмших, газар өмчлөх, газрын маргаан, эрх зүйн шүүмж, шүүхийн шийдвэрийн дүн шинжилгээ

2019-11-10

19

Монгол

Бүрэн эхээр нь үзэх

2023-10-24

808

64

8

Нээлттэй Нийгэм Форум “Газрын эзэмших, өмчлөх эрхтэй холбоотой хэрэг, маргааны хяналтын шатны шүүхийн шийдвэрийн үндэслэлд хийсэн хууль зүйн дүн шинжилгээ” (2019), ... дахь/дэх тал. Legaldata-аас унших боломжтой: https://legaldata.mn/b/1681

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх