Олон улсын улс төрийн зарим эгзэгтэй асуудлын талаарх Монгол дахь хэвлэл мэдээллийн тэнцвэрт байдлын шинжилгээ (Орос, Украины дайны жишээн дээр)

Цогтын Эгиймаа

Магистрын ажил

Хэвлэл мэдээлэл

2022 оны 2-р сарын 24-нд ОХУ Украины газар нутагт цэргээ оруулж, улмаар өнөөдрийг хүртэл үргэлжилж буй дайн Зүүн Европын нутаг дэвсгэрт дэгдсэн. Украин тэргүүтэй барууны орнууд эл үйл явдлыг дайн хэмээн ОХУ-ыг буруутгаж байгаа бол ОХУ саяхныг хүртэл “цэргийн тусгай ажиллагаа” хэмээн нэрлэж ирсэн юм. Дайн байлдааны онолоор улс орнууд дайнд хууль ёсны үүднээс болон ёс суртахууны хувьд зөвтгөх байр суурь барихыг эрмэлздэг. Энэ онол ОХУ, Украинд аль алинд нь үйлчилсээр буй. Глобал улс төрийн асуудал нь дайн болж даамжрахаар бусад орнуудыг шууд бусаар татан оролцуулах, тэдэнд сөргөөр нөлөөлөх эрсдэл дагуулдаг. Орос, Украины дайн ч үүний тод илрэл болсон бөгөөд өдгөө улс орнууд энэ дайныг өөр өөрсдийн гадаад бодлого, эрх ашгийн хүрээнд авч үзэн байр сууриа илэрхийлж байна.

Глобал улс төрийн асуудал нь тухайн улсын гадаад бодлогыг мөн илэрхийлж байдаг ба олон нийт гадаад бодлогынхоо талаар хэр мэдээлэлтэй байдаг эсэхэд хэвлэл мэдээллийн салбар чухал үүрэг гүйцэтгэж иржээ. Хэвлэлийн эрх чөлөөний индексээр бүс нутагтаа дээгүүр бичигддэг Монгол улсын хэвлэл мэдээллийн хэрэгслүүд эл дайны талаар анх эхэлсэн цагаас нь хойш идэвхтэй бичсээр ирсэн юм.

Гэвч геополитикийн өвөрмөц онцлогийг харгалзан энэ дайны талаар тэнцвэртэй мэдээ олон нийтэд түгээх нь чухал ач холбогдолтой. Тэнцвэртэй мэдээ гэж өөр утгаараа бодит үнэн мэдээллийг хэлж буй. Харин Монголын хэвлэл мэдээллийн хэрэгслүүдийн ашиглаж буй эх сурвалж, бэлтгэж буй тоймчийн үзэл баримтлал тухайн мэдээнд тусгалаа олох нь түгээмэл байна. Энэ нь мэдээллийн тэнцвэрт байдалд сөргөөр нөлөөлөх эрсдэлтэй. Түүнчлэн олон нийт гадаад мэдээ хүлээн авах, сонсох сонирхолтой байдаг нь судалгаанд хамрагдсан хэвлэл мэдээллийн хэрэгслүүдийн хандалтаас харагдаж буй. Тиймээс энэхүү судалгааны ажлаар Орос, Украины дайны талаарх гадаад мэдээний тэнцвэрт байдлыг шинжлэхээс гадна гадаад бодлого, олон нийтийн санаа бодлын хамаарлын ач холбогдлыг чухалчлахыг чармайлаа.

Орос, Украины дайн, хэвлэл мэдээллийн хэрэгсэл, тэнцвэрт байдал, эх сурвалж, олон нийтийн санаа бодол,

2023-12-19

69

Монгол

Бүрэн эхээр нь үзэх

2024-01-31

1103

61

39

Ц.Эгиймаа “Олон улсын улс төрийн зарим эгзэгтэй асуудлын талаарх Монгол дахь хэвлэл мэдээллийн тэнцвэрт байдлын шинжилгээ (Орос, Украины дайны жишээн дээр)” (2023), ... дахь/дэх тал. Legaldata-аас унших боломжтой: https://legaldata.mn/b/1884

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх