Хүний эрхэд суурилсан шинжлэн магадлах үйл ажиллагаа: онол, арга зүй

Батхишигийн Лхагвасүрэн

Хууль зүйн докторын зэрэг горилсон диссертаци

Докторын диссертаци

Эрүүгийн процессын эрх зүй, Криминалистик, Шүүх шинжилгээ

Монгол Улсад зөрчил шалгах, хэрэг хянан шийдвэрлэх ажиллагааны явцад тусгай мэдлэг ашиглах, шинжээчийн дүгнэлтийг үнэлж буй үйл явцын өөрчлөлт, зүй тогтлыг илрүүлэх, улмаар шинжлэн магадлах үйл ажиллагааны ойлголт, зарчим, арга зүйн үндсийг хүний эрхэд суурилсан хандлагад “нийцүүлэн” тодорхойлж, шинжээчийн дүгнэлтийг нотлох баримтаар үнэлэхэд баримтлах тусгай шалгуур боловсруулах нь энэхүү судалгааны ажлын зорилго болно.
Энэ зорилгын хүрээнд:
- хүний эрхийн ойлголт, үзэл санааг хэрэг хянан шийдвэрлэх ажиллагааны шинжлэх ухаанч хандлагатай уялдуулан судлах;
- шинжлэх ухаанч хандлагын хэлбэр болох тусгай мэдлэгийн талаарх онол, үзэл баримтлалыг судалж, тусгай мэдлэгийн ангилал, шалгуурыг боловсруулах;
- шинжлэн магадлахуйн үүсэл, хөгжил, үзэл баримтлалын тухай онол, эх сурвалжуудыг харьцуулан судалж, дүн шинжилгээ хийх;
- шинжлэн магадлах үйл ажиллагаа, шинжээчид хандах хандлага, хувьсал өөрчлөлтийг судалж, түүний ойлголт, мөн чанарыг тодорхойлох;
- шинжлэн магадлах үйл ажиллагааны эрх зүйн зохицуулалтыг олон улсын хүний эрхийн баримт бичигтэй холбон судалж, үндэсний хууль тогтоомжид дүн шинжилгээ хийх;
- шинжээчийн дүгнэлтэд нотлох баримтын тусгай шалгуур тавих асуудлыг судалж, шинжилгээ хийж, дүгнэлт гаргах арга зүйг боловсронгуй болгох талаар зөвлөмж боловсруулах;
- шинжээч бэлтгэх сургалтын тогтолцооны суурь баримт бичиг болох сургалтын хөтөлбөр, төлөвлөгөөний төсөл боловсруулах зэрэг зорилтыг тус тус шийдвэрлэв.

Шинжлэн магадлах ухаан, шүүх шинжилгээ, процессын эрх зүй, хүний эрх, шинжээчийн дүгнэлт

2017-09-13

168

Монгол

Бүрэн эхээр нь үзэх

2024-12-12

894

34

Б.Лхагвасүрэн “Хүний эрхэд суурилсан шинжлэн магадлах үйл ажиллагаа: онол, арга зүй” (2017), ... дахь/дэх тал. Legaldata-аас унших боломжтой: https://legaldata.mn/b/2202

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх