Бүтээлийн товч
Тэртээ 2000 онд аж ахуй үйл ажиллагааны эрх зүйн зохицуулалтыг нэршлийн асуудлаар янз бүрийн санал гарч улмаар хуулийн чиглэлийн сургууль бүр энэ салбарын хичээлээ өөр өөрийнхөөрөө нэрлэн зааж байсан билээ. Өнөөдөр, эдийн засаг, нийгмийн харилцааны хөгжлийн жамаар эл асуудал дахин сөхөгдөх болж Монгол Улс бие даасан худалдааны хууль тогтоомжтой байх эсэх, угтаа худалдааны эрх зүй чухам ямар харилцааг зохицуулдаг болох, Иргэний эрх зүйн салбартай ямар холбоо хамааралд орших асуудал хүчтэй яригдах боллоо. Эл бэсрэг өгүүллийг судлаач миний бие одоогоос 20 орчим жилийн өмнө бичиж, тухайн үеийн Монголын төр эрх зүй сэтгүүлийн дугаарт хэвлүүлж байлаа. Өнөөдөр хувийн эрх зүйн түвшинд халуухан сэдэв болон яригдаж буй эл асуудлыг тухайн үед цухас хөндөхдөө аж ахуйн үйл ажиллагааны эрх зүйн зохицуулалтыг нэрлэх нэр томьёо бүр ямар түүхэн замнал, утга агуулгатай болох, тухайн салбаруудын зохицуулах зүйл нь чухам ямар онцлогтой байх талаар зохих түвшинд авч үзэхийг зорьж байжээ.
Түлхүүр үг
Аж ахуйн үйл ажиллагаа, аж ахуйн эрх зүй, бизнесийн эрх зүй, корпорацийн эрх зүй, худалдааны эрх зүй
