Бүтээлийн нэр
МОНГОЛ УЛСЫН ҮНДСЭН ХУУЛИЙН ЦЭЦИЙН ОНЦЛОГ, ЭРХ ЗҮЙН ХАРЬЦУУЛАЛТ
Бүтээлийн хэлбэр
Эрдэм шинжилгээний илтгэл, өгүүлэл, эссэ
Бүтээлийн товч
1992 оны Үндсэн хуулиар Монголд анх "Цэц" хэмээх оноосон нэртэй Үндсэн хуулийн шүүх байгуулагдсанаар монголын төрийн байгуулал нэгэн шинэ институтээр нэмэгдэж манай улс улмаар дэлхийн ардчилсан тогтолцоот улс орнуудын зүгт шийдвэрлэх алхамыг хийсэн юм.

Ийнхүү шинэ институт мөн чанартаа дэлхийн улсуудад байдаг Үндсэн хуулийн шүүхүүдийн адил төрийн байгууллагын хосолсон шинжийг өөртөө агуулсан өвөрмөц нэгэн байгууллага болсон. Учир нь Үндсэн хуулийн цэц:

нэгд, үйл ажиллагаандаа шүүхийн байгууллагын шинжийг бүхэлд нь агуулсан шүүх болон цогцлогдож Үндсэн хуулийг хэрэглэж эцсийн шийдвэр гаргах монополийг өөртөө агуулах болсон. хоёрт, Цэц төрийн эрх мэдлийг хэрэгжүүлэхэд оролцдогоороо парламент, засгийн газар, ерөнхийлөгчийн нэгэн адил Үндсэн хуулийн шинж чанартай байгууллага болон төлөвшиж дэлхийн улс орнуудын Үндсэн хуулийн шүүхүүдийн жишигт ойртлоо. Энэ шинжээрээ аливаа Үндсэн хуулийн шүүх бусад шүүхээс, түүний дотор ердийн шүүхээс ялгагддаг хэмээн үздэг билээ.
Үндсэн хуулийн цэц байгуулагдаад 10 жил болж байна. Энэ хугацаанд цэц шүүх мөн эсэх, Үндсэн хуульд төрийн ямар субьект албан ёсны бөгөөд эцсийн тайлбарыг өгдөг, Үндсэн хуулийн тайлбар гэж юу болох зэрэг хэд хэдэн асуудлаар монголын төр, түүний өндөр хэмжээний албан тушаалтан хоорондоо санал зөрөлдөж байлаа. Эдгээрээс үүдэн дээрх 10 жилийн хугацаанд үндсэндээ нэг мөр ойлгогдож эхэлсэн, энэ талаарх маргаан намжсан зэргийг чухамхүү Үндсэн хуулийн цэцийн өөрийнх нь гүйцэтгэсэн үүрэг, гаргасан зөв мөр, дээрх асуудлаар судалгаа хийдэг монгол болон гадаадын эрдэмтдийн оруулсан хувь нэмэртэй холбон үзүүштэй.

Харамсалтай нь нийгэм бүхэлдээ тийм ч хурдацтай хөгждөггүй юм байна. Дэлхийн хууль зүйн шинжлэх ухаанд хэдийнээ нэг мөр болсон ойлголтууд ч гэсэн шилжилтийн бэрхшээлийг амсаж буй манай улсад, нийт иргэдийн, зарим тохиолдолд мөн хуульчдын ухамсарт нэн аажмаар нэвтэрдэг юм байна гэдгийг өнгөрсөн 10 жилийн дээрх жишээнүүдэд харлаа.
Түлхүүр үг
Үндсэн хуулийн шүүх аль эрх мэдлийн шийдвэрийг хянах вэ?, Үндсэн хуулийн цэц гүйцэтгэх эрх мэдлийн шийдвэрийг бүхэлд нь хянах боломжтой юу?, Үндсэн эрх нь зөрчигдлөө хэмээн иргэн хүн үзсэн тохиолдолд Цэцэд хандах боломжтой юу?, Үндсэн хуулийн шүүхэд иргэн хүн шууд хандах уу?, хэм хэмжээний хяналт,
Бичигдсэн огноо
2002
Хуудсын тоо
10
Хэл
Монгол
Үнэ
Үнэгүй
Байршуулсан огноо
2020-09-16
Товч мэдээлэл үзсэн
176
Бүрэн эхээр нь үзсэн
2
Эшлэлийн тоо
12
Энэ бүтээлийг эшлэх загвар
Ц.Сарантуяа. Монгол Улсын Үндсэн хуулийн цэц (өгүүлэл, илтгэлийн эмхэтгэл). УБ., 2007 он. 230-239 хуудас.
Цуглуулганд нэмэх
Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх

Манай цахим хуудас нь Монгол Улс дахь хууль зүйн судалгааны бүтээлүүдийг нэгтгэн цахим сан бүрдүүлж, судалгааны эргэлтэнд оруулах зорилготой.

Та өөрийн хийсэн судалгааны бүтээлээ манай цахим хуудсанд байршуулж Монгол Улсын хууль зүйн шинжлэх ухааны хөгжилд хувь нэмрээ оруулна уу.

Холбоо барих

“Оюуны-Инноваци” Эрх зүйн судалгааны төв

Монгол Улс, Улаанбаатар хот,
Сүхбаатар дүүрэг, Оюутны гудамж 16/03,
Unity center, 4 давхар 405 тоот.
Э-мэйл: contact@legaldata.mn