Бүтээлийн нэр
ОРОН СУУЦНЫ ТАЛБАЙН ХЭМЖЭЭНЭЭС ҮҮДСЭН ЗӨРҮҮ МӨНГИЙГ ГАРГУУЛАХ НЭХЭМЖЛЭЛТЭЙ ХЭРГИЙГ ХЯНАН ШИЙДВЭРЛЭСЭН ШҮҮХИЙН ШИЙДВЭР, ДҮН ШИНЖИЛГЭЭ
Хамтран зохиогчид
Р.Пүрэвбаатар
Тэмдэглэл
Уг судалгааг Нээлттэй Нийгэм Форумын судалгааны тэтгэлгийн дэмжлэгтэйгээр гүйцэтгэсэн болно.
Бүтээлийн хэлбэр
Эрх зүйн шүүмж
Бүтээлийн товч
Манай улсын хувьд Хэрэглэгчийн эрхийг хамгаалах тухай хууль батлагдсан боловч үндсэн агуулга, зохицуулах харилцаа нь бусад орны хэрэглэгчийн эрхийг хамгаалах чиглэлийн хууль тогтоомжтой харьцуулахад харьцангуй хязгаарлагдмал хүрээнд байгаа юм. Дийлэнх зохицуулалт нь бараа, бүтээгдэхүүний доголдолтой холбоотой зохицуулалт (PL law) байгаа бөгөөд гэрээтэй холбоотой бусад нарийвчилсан зохицуулалтыг агуулаагүй байдаг. Өөрөөр хэлбэл, аж ахуй эрхлэгч болон хэрэглэгч хоорондын тэгш бус байдлыг харгалзан үзэж хэрэглэгчийн эрхийг хамгаалах зорилготой зохицуулалт дутмаг, энэ талаар тусгайлан судалсан нь ихээхэн ховор байгаа болно.

Гэтэл практикт худалдах, худалдан авах гэрээг хэрэглэгчтэй байгуулах явдал хамгийн түгээмэл байна. Монгол Улсын шүүхийн 2017 оны шүүн таслах ажиллагааны тайлангаас харвал 45233 хэргийг анхан шатны журмаар хянан шийдвэрлэснээс Иргэний хуулиар шийдвэрлэсэн хэргийн тоо 22783 байна. Үүний 15000 орчим нь гэрээний эрх зүйн хэрэг байснаас 7000 гаруй нь худалдах, худалдан авах гэрээтэй холбоотой маргаан байжээ. 7000 гаруй хэргээс хэд нь аж ахуй эрхлэгч болон хэрэглэгч хоорондын маргаан байсныг бидний зүгээс тодорхойлох боломжгүй боловч бусад маргааны төрөлтэй харьцуулахад хэрэглэгчийн эрхтэй холбоотой асуудал илүү их хэмжээгээр хөндөгдөж байгаа юм.

Судлаачдын зүгээс барилгын компани (аж ахуй эрхлэгч) болон хэрэглэгч хооронд байгуулсан орон сууц худалдах, худалдан авах гэрээний дагуу шилжүүлсэн орон сууцны талбайн хэмжээ дутуу байсны улмаас илүү төлсөн мөнгөө буцаан авах нэхэмжлэлтэй маргааныг сонгон авч дүн шинжилгээ хийв. Үүний үр дүнд уг төрлийн маргааныг шийдвэрлэдэг эрх зүйн зохицуулалтын өнөөгийн байдал болон хэрхэн тайлбарлаж хэрэглэж байгаа талаар толилуулах болно.
Түлхүүр үг
мэдэх боломж болон далд доголдол, үнийг бууруулах эрх, гэрээний гол нөхцөл гэх ойлголтын тухай, хуулийг үндэслэлгүй хэрэглэх нь, орон сууцны талбайн хэмжээний зөрүү
Бичигдсэн огноо
2019
Хуудсын тоо
55
Хэл
Монгол
Үнэ
Үнэгүй
Байршуулсан огноо
2020-10-27
Товч мэдээлэл үзсэн
245
Бүрэн эхээр нь үзсэн
74
Эшлэлийн тоо
37
Энэ бүтээлийг эшлэх загвар
Н.Норовсамбуу, Р.Пүрэвбаатар. Орон сууцны талбайн хэмжээнээс үүдсэн зөрүү мөнгийг гаргуулах нэхэмжлэлтэй хэргийг хянан шийдвэрлэсэн шүүхийн шийдвэр, дүн шинжилгээ. Шүүхийн шийдвэрийн шинжилгээ. Эмхэтгэл 2. Нээлттэй Нийгэм Форум. УБ., 2019.
Цуглуулганд нэмэх
Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх

Манай цахим хуудас нь Монгол Улс дахь хууль зүйн судалгааны бүтээлүүдийг нэгтгэн цахим сан бүрдүүлж, судалгааны эргэлтэнд оруулах зорилготой.

Та өөрийн хийсэн судалгааны бүтээлээ манай цахим хуудсанд байршуулж Монгол Улсын хууль зүйн шинжлэх ухааны хөгжилд хувь нэмрээ оруулна уу.

Холбоо барих

“Оюуны-Инноваци” Эрх зүйн судалгааны төв

Монгол Улс, Улаанбаатар хот,
Сүхбаатар дүүрэг, Оюутны гудамж 16/03,
Unity center, 4 давхар 405 тоот.
Э-мэйл: contact@legaldata.mn