Дэлхийн улс орон бүр өөр өөрсдийн онцлог хэл, соёл, зан заншил болон түүхэн хөгжилтэй боловч зарим зүйл, тэр тусмаа иргэдийн нийгмийн асуудал адил байдаг. Иргэдийн нийгмийн асуудлыг шийдэхэд нийгмийн аж ахуй эрхлэлт чухал үүрэгтэй. Нийтлэлээ цааш нь бичихийн тулд нийгмийн аж ахуй эрхлэлт гэж юу вэ гэдгийг товчхон тодорхойлохыг хичээе.
Нийгмийн аж ахуй эрхлэлт нь нийгэмд ашигтай зорилгод хүрэхэд чиглэсэн, иргэд, нийгмийн асуудлыг шийдвэрлэхэд хувь нэмэр оруулах, хууль тогтоомжид заасан тодорхой нөхцлийн дагуу явуулах аж ахуйн үйл ажиллагаа юм. Иргэдийн нийгмийн асуудлыг шийдэх асуудал төрийн субьектын чиг үүргээс гадна төрийн бус субьектуудын чиг үүрэгт хамаарна. Энэ цаг үед дэлхийн улс орнуудад төрийн байгууллагын зарим үйл ажиллагааны чиг үүрэг төрийн бус байгууллагад шилжиж явц болон дахин хуваарилалт идэвхтэй явагдаж байгааг тэмдэглэх нь зүйтэй.

Нийгмийн аж ахуй эрхлэлт, хөгжлийг удаашруулах шалтгаан, хөгжлийн асуудлыг шийдвэрлэх арга зам