Зөвлөх профессор, доктор Х.Сэлэнгэ Монгол Улсын гавьяат багш боллоо

1 year ago

МУИС-ийн Хууль зүйн сургуулийн зөвлөх профессор, хууль зүйн ухааны доктор Х.Сэлэнгэ Монгол Улсын гавьяат багш боллоо. 

Х.Сэлэнгэ нь МУИС-ийн Хууль зүйн сургуульд хамгийн удаан буюу 37 жил тасралтгүй үндсэн багшаар ажилласан бөгөөд Эрх зүйн философи болон Ромын эрх зүйн хичээлийг орчин үеийн түвшинд хүргэн хөгжүүлэх суурийг тавьсан багшийн нэг билээ. Мөн эрх зүйн шинжлэх ухааны чиглэлээр тасралтгүй судалгаа шинжилгээ хийж, олон арван бүтээл туурвиж, олон мянган шавь нартаа эрх зүйн үнэт зүйлсийг онолын үүднээс тайлбарлаж, шударга, зарчим зангаараа үлгэрлэж ирсэн билээ.

“Легал дата”-д Х.Сэлэнгэ багш нь эрдэм шинжилгээний нийтлэл, өгүүлэлээ тогтмол байршуулдаг бөгөөд судлаачийн бүтээлийн хандалтын талаарх тоон үзүүлэлтийг өнөөдрийн байдлаар үзвэл:

-Бүтээлийн тоо: 30

-Бүтээлийн товч үзсэн: 167,625

-Бүтээлийг уншсан: 4602

-Судлаачийн танилцуулга үзсэн: 5160 байна.

“Легал дата”-гийн зүгээс Х.Сэлэнгэ багшийнхаа хэрэглэгчийн нэр (user name)-ийг https://legaldata.mn/profile/selenge болгож баталгаажууллаа.

 

Легал дата