Согтуурсан үедээ тээврийн хэрэгсэл жолоодож яваад хүний амь насыг хохироосон бол 2-8 жилийн хорих ял онооно
7 months ago
Өчигдөр (2023.09.21) Сонгинохайрхан дүүргийн 33 дугаар хороо, Тахилтын 4 дүгээр буудлын явган хүний гарцаар гарч явсан 12-13 насны 2 хүүхдийг Тоёота Приус маркийн тээврийн хэрэгслээр мөргөсний улмаас нэг сурагч газар дээрээ алтан амиа алдаж, нөгөө сурагч хүнд гэмтэл авч ГССҮТ-д эмчлүүлж байгаа харамсалтай хэрэг гарлаа.
Албан бус мэдээллээр жолооч эмэгтэй согтууруулах ундаа хэрэглэсэн бөгөөд 115 км хурдтай явж байжээ.
Согтуурсан, мансуурсан үедээ тээврийн хэрэгсэл жолоодож осол, аваар гаргасан тохиолдолд хариуцлага чанга биш байдаг, хүлээлгэх хариуцлагыг чангатгах ёстой гэсэн үзэл бодол олон нийтийн дунд байдаг. Гэвч эрх зүйн зохицуулалтын хувьд яг ч тийм биш юм. Үндсэндээ уг үйлдлийн улмаас учирсан хохирол, хор уршгаас хамаарч Зөрчлийн тухай хууль эсхүл Эрүүгийн хуульд заасан хариуцлагыг хүлээлгэдэг.
Эрүүгийн хуулийн 27.10 дугаар зүйлд “Автотээврийн хэрэгслийн хөдөлгөөний аюулгүй байдал, ашиглалтын журам зөрчих” гэмт хэргийг заасан байдаг. Хамгийн багадаа уг үйлдлийн улмаас хүний эрүүл мэндэд хүндэвтэр хохирол учирсан байвал гэмт хэрэг болох ба “дөрвөн зуун тавин нэгжээс[1] таван мянга дөрвөн зуун нэгжтэй тэнцэх хэмжээний төгрөгөөр торгох, эсхүл хоёр зуун дөчин цагаас долоон зуун хорин цаг хүртэл хугацаагаар нийтэд тустай ажил хийлгэх, эсхүл нэг сараас нэг жил хүртэл хугацаагаар зорчих эрхийг хязгаарлах ял” шийтгэнэ. Цаашлаад энэ гэмт хэргийг согтуурсан, мансуурсан үедээ, тээврийн хэрэгсэл жолоодох эрхгүй хүн, хүний эрүүл мэндэд хүнд хохирол учруулж, их хэмжээний хохирол учруулж үйлдсэн бол оногдуулах ялын хэмжээ нь улам хүндрээд явдаг.
Согтуурсан, мансуурсан үедээ тээврийн хэрэгсэл жолоодож яваад хүний амь насыг хохироосон тохиодолд тус зүйл, ангийн хамгийн хүнд ялыг оноохоор Эрүүгийн хуулийн 27.10 дугаар зүйлийн 4-т заасан байна. Тодруулбал, энэ тохиолдолд тээврийн хэрэгслийг жолоодох эрхийг 5-8 жил хүртэл хугацаагаар хасаж 2-8 жил хүртэл хугацаагаар хорих ял шийтгэнэ” гэж заажээ. Өөрөөр хэлбэл, шүүх гэмт хэрэг үйлдсэн нөхцөл байдал, учирсан хохирол, хор уршгийн шинж чанар, гэмт хэрэг үйлдсэн хүний хувийн байдал, эрүүгийн хариуцлагыг хөнгөрүүлэх, хүндрүүлэх нөхцөл байдлыг тал бүрээс нь харгалзан үзсэний үндсэн дээр 2-8 жилийн хооронд хорих ялын хэмжээг тогтоох ба давхар тээврийн хэрэгслийг жолоодох эрхийг 5-8 жил хүртэл хугацаагаар хасна.
legaldata.mn #News
[1] 1 нэгж 1,000 төгрөгтэй тэнцүү байна.
МЭДЭЭ, МЭДЭЭЛЭЛ
2024 оны 4 дүгээр сарын эрэлттэй бүтээлийн чансаа
1 day ago
legal talk+ №03 – Цэц шинэчлэгдэх үү?
1 week ago
"Төв банкны бие даасан, хараат бус байдал, түүний эрх зүйн зохицуулалт" сэдэвт эрдэм шинжилгээний хурал - 2021
1 week ago
Special Ep4: УИХ-ын 2023 оны Хавар, Намрын ээлжит чуулганаар ямар хуулиуд хэлэлцэгдэж байна вэ?
1 week ago
ШҮҮХИЙН ШИЙДВЭРИЙН ХУРААНГУЙ
-
Төлбөрийн баримтыг борлуулалтын үнийн дүнгээс зөрүүтэй олгосон бол зөрчлийн тухай хуулийн дагуу хариуцлага хүлээнэ
2024-04-26
-
Мэргэжлийн хариуцлагын даатгалаас бусад тохиолдолд даатгалын гэрээ нь бизнес эрхлэгчийн мөрдвөл зохих хэм хэмжээг зөрчсөний улмаас бий болох хохирлоос сэргийлэх агуулгатай байх боломжгүй
2024-04-25
-
Ашиглалтын тусгай зөвшөөрөл эзэмшигч ба байгаль орчныг хамгаалах, орон нутгийн хөгжилд дэмжлэг үзүүлэх гэрээ
2024-04-19
-
Хууль зүйн үндэсний хүрээлэн
2024-05-02 Судалгааны тайландуудаж байна ! -
Хууль зүйн үндэсний хүрээлэн
2024-04-30 Судалгааны тайландуудаж байна ! -
Judilogy
2024-04-29 Мэдээллийн хуудасдуудаж байна ! -
Хууль зүйн үндэсний хүрээлэн
2024-04-28 Судалгааны тайландуудаж байна ! -
Хууль зүйн үндэсний хүрээлэн
2024-04-28 Судалгааны тайландуудаж байна ! -
Judilogy
2024-04-22 Мэдээллийн хуудасдуудаж байна ! -
Tsogoo Lkhagva
2024-04-19 Эрдэм шинжилгээний өгүүлэлдуудаж байна ! -
Шүүхийн сургалт, судалгаа, мэдээллийн хүрээлэн
2024-04-19 Сэтгүүлдуудаж байна ! -
Пүрвээгийн Баттулга, Болор-Эрдэнийн Төрболд
2024-04-19 Эрдэм шинжилгээний өгүүлэлдуудаж байна ! -
Judilogy
2024-04-16 Мэдээллийн хуудасдуудаж байна !