“Оюуны-Инноваци” ТББ-аас нийгэмд шударга ёсны үнэлэмжийг нэмэгдүүлэх, таниулан сурталчлах зорилгоор 2025 оны 6 дугаар сарын 14-ний өдөр Үндэсний цэцэрлэгт хүрээлэнд “Шударга ёсны төлөө гүйцгээе – Run for Justice” уриатай олон нийтийн гүйлтийн арга хэмжээг зохион байгуулах гэж байна.

Энэ арга хэмжээний онцлог нь олон нийтийн гүйлтээр дамжуулан нийгэмд эерэг өөрчлөлтийг бий болгох, олон нийтэд шударга ёсны талаар ухамсар, ойлголт төлөвшүүлэх зорилготой бөгөөд цаашид тогтмол зохион байгуулна.

Гүйлтэд иргэн, байгууллага, олон нийтийн төлөөлөл зэрэг шударга ёсыг эрхэмлэдэг хэн бүхэн оролцох боломжтой.

Гүйлтийн бүртгэл 2025 оны 6 дугаар сарын 13-ны хүртэл үргэлжлэх бөгөөд ЭНД дарж бүртгүүлнэ үү. Бүртгүүлсэн хүмүүст энгэрийн дугаар олгоно. Оролцогчид 3.5 км зайнд гүйнэ.

Үндсэн хөтөлбөрт:

• Гүйлт
• Шударга ёсны талаарх чөлөөт ярилцлага (оролцогчид Гавж Д.Нямсамбуу, Комедиан Н.Амаржин, Хууль зүйн ухааны доктор Т.Алтангэрэл)
• Шударга ёсны ханан дээр сэтгэгдлээ үлдээх
• Оролцогчид шударга ёсны төлөө яагаад гүйж байгаа талаараа сошиал хаяг дээрээ зураг, пост илгээх, номын худалдаа зэрэг багтана.

Өмнөх Дараах