Шүүхэд маргаан шийдвэрлэхэд хуулийг тайлбарлан хэрэглэх үзэл баримтлал

Жаргалсайханы Оюунтунгалаг

Эрдэм шинжилгээний өгүүлэл

Шүүх эрх мэдэл

Шүүх хэрэг, маргааныг шийдвэрлэхдээ хууль тайлбарлан хэрэглэх асуудал нь үе үеийн эрх зүй судлаач, хуульчдын дунд маргаантай сэдэв байдаг билээ. Хуулийг тайлбарлан хэрэглэх шүүхийн бүрэн эрхийн асуудал нь бүх салбар эрх зүйн хүрээнд хөндөгдөн гарч ирдэг өргөн хүрээтэй, олон талт судалгааны объект тул энэхүү илтгэлийн хүрээнд зөвхөн иргэний эрх зүйн аспектийг хөндөн тавьж байгаа билээ.

Шүүхийн хууль тайлбарлан хэрэглэх бүрэн эрхийн хүрээ, хязгаартай холбоотой асуудал эрх зүйн бүлүүдийн хувьд өөр өөр байдаг нь эрх зүйн дотоод бүтэц, харилцан хамаарал, түүнийг хэрэгжүүлэх механизмын онцлог бүхий эрх зүйн тогтолцоонд харилцан адилгүй байдаг. Дэлхийн улс орнуудын эрх зүйн тогтолцоог авч үзэхэд нийтлэг буюу common law system, иргэнлэг эрх зүйн систем буюу civil law system гэсэн голлох хоёр эрх зүйн уламжлал харилцан давуу талыг шингээх замаар ижил төстэй болох /конвергенци/ үйл явц явагдаж, эдгээр хоёр тогтолцооны хуульчдын үзэл бодлын эрс зөрүүтэй байдал арилж байгаа боловч өөр өөрийн үндсэн онцлог шинжийг хадгалсаар байгаа билээ. Шүүхийн эрх зүй бүтээх үйл ажиллагаа нь нийтлэг эрх зүйн тогтолцоонд харьцангуй хүлээн зөвшөөрөгдсөн байдаг бол иргэнлэг эрх зүйн тогтолцоонд нилээн болгоомжтой ханддаг .

Иймд энэхүү илтгэлийн эхний хэсэгт манай улсын хамаарах иргэнлэг эрх зүйн тогтолцоонд шүүх хэрэг, маргааныг хянан шийдвэрлэхэд хуулийг тайлбарлан хэрэглэхтэй холбогдох онолын үзэл баримтлалыг хөндөж тавъя.

шүүхэд маргаан шийдвэрлэх, хуулийг тайлбарлан хэрэглэх үзэл баримтлал, иргэнлэг эрх зүй тогтолцоо

2012-12-12

8

Монгол

Бүрэн эхээр нь үзэх

2021-07-08

3561

154

23

Ж.Оюунтунгалаг “Шүүхэд маргаан шийдвэрлэхэд хуулийг тайлбарлан хэрэглэх үзэл баримтлал” (2012), ... дахь/дэх тал. Legaldata-аас унших боломжтой: https://legaldata.mn/b/1007

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх