Амьгүй донороос эд, эрхтэн шилжүүлэн суулгахтай холбоотой эрх зүйн зохицуулалтын судалгаа

Баатарын Сүндэръяа

Эрдэм шинжилгээний өгүүлэл

Эрүүл мэнд & Спортын эрх зүй

Аливаа улс орны хөдөлгөгч гол нэгж нь иргэд байдаг. Энэ утгаараа иргэдийн эрүүл мэндийн асуудал нь зайлшгүй хэлэлцэх шаардлагатай чухал сэдэвд тооцогддог. Сүүлийн үед эд, эрхтэн шилжүүлэн суулгахтай холбогдох асуудлууд дэлхийн эрүүл мэндийн голлон яригдах сэдэв болж байх бөгөөд энэ нь ихэнх улс орнуудад эртнээс судлагдан, холбогдох эрх зүйн зохицуулалтууд хийгдсээр ирсэн байна.
Монгол Улсын хувьд энэ нь шинэлэг ойлголт хэдий ч орчин үеийн анагаах ухааны ололтыг дагаад эрхтэн шилжүүлэн суулгах мэс заслын эмчилгээ эрчимтэй хөгжиж байна. 2006 онд анхны бөөр шилжүүлэн суулгах мэс заслыг хийснээс хойш өнөөдрийг хүртэл 128 иргэнд бөөр шилжүүлэн суулгаснаас 108 иргэнд амьд донороос, 10 иргэнд амьгүй донороос, 28 иргэнд элэг шилжүүлэн суулгаснаас 27 иргэнд амьд донороос, 1 иргэнд амьгүй донороос, 2 иргэнд ясны чөмөг шилжүүлэн суулгах мэс заслын эмчилгээг тус тус амжилттай хийсэн байна. Ийнхүү техник технологийн дэвшил хурдацтай хөгжиж байгаа өнөө үед эрхтэн шилжүүлэн суулгах мэс заслыг эх орондоо хийх боломж бололцоо бүрдэж эхлээд байна. Донорын тухай хуульд амьгүй донорын тухай ойлголт, түүнээс эд эрхтэн шилжүүлэн суулгах тухай зохицуулалт нь 2012 онд нэмэлтээр орсон. Гэвч уг хуулийн холбогдох зохицуулалт нь тухайн харилцааг зохицуулахад төдийлөн хангалтгүй байна. Учир нь практикт амьд донороос эрхтэн шилжүүлэн суулгах ажиллагаа нь илүү түгээмэл байх тул цаашид амьд донорын эрхийг хамгаалах үүднээс амьд донороос эрхтэн шилжүүлэн суулгах ажиллагааг багасгаж, амьгүй донороос эрхтэн шилжүүлэн суулгах ажиллагааг хөгжүүлэх хэрэгтэй болохын хирээр уг асуудал эрүүл мэндийн болоод хууль зүйн салбарын тулгамдсан асуудал болоод байна. Үүний тулд өдгөө мөрдөгдөж буй эрх зүйн зохицуулалтуудыг нарийвчлан судлах шаардлага зүй ёсоор тавигдана.

Донор, амьгүй донор, кадавр донор, эрхтэн шилжүүлэн суулгах, эрүүл мэнд, донорын тухай хууль

2017-04-28

16

Монгол

Бүрэн эхээр нь үзэх

2017-06-25

7552

277

Б.Сүндэръяа “Амьгүй донороос эд, эрхтэн шилжүүлэн суулгахтай холбоотой эрх зүйн зохицуулалтын судалгаа” (2017), ... дахь/дэх тал. Legaldata-аас унших боломжтой: https://legaldata.mn/b/270

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх