Үндсэн хуулийн цэц ба парламентын харилцаа, тулгамдсан асуудал

Дугаржавын Ренчиндорж

Эрдэм шинжилгээний өгүүлэл

Үндсэн хуулийн эрх зүй

Парламентаас баталсан хууль тогтоомж Үндсэн хуульд нийцэж байгаа эсэхийг хянах Үндсэн хуулийн шүүхийн эрх хэмжээ нь Үндсэн хуульд нийцсэн шийдвэр гаргах ёстой гэсэн бага бус дарамтыг парламентад үзүүлдэг бол нөгөө талаас парламент нь Үндсэн хуулийн шүүхийн бүрэлдэхүүнийг томилоход оролцдог учраас өөрийг нь хянадаг байгууллагын бүрэлдэхүүнд нөлөөлөх боломжтой байдаг. Иймээс ч Үндсэн хуулийн шүүх нь хууль тогтоох эрх мэдэлтэй сөргөлдөөнт харилцаанд ордог. Өөрөөр хэлбэл Үндсэн хуулийн өмнө зөв буруугийн тухай ярихад Үндсэн хуулийн шүүх нь хууль тогтоогчоос илүү хүчтэй боловч, Үндсэн хуулийн шүүхийн шүүгчийн хараат бус байдалд хууль тогтоох байгууллага нөлөөлөх боломжтой, бүрэлдэхүүнээр дамжуулан шийдвэрт ч нөлөөх боломжтой гэж үздэг.
Энэхүү парламент болон Үндсэн хуулийн шүүх хоорондын сөргөлдөөнт харилцааг зохицуулахад тэдгээр байгууллагын эрх зүйн байдал, дэг, ёс зүйн харилцааг зохицуулсан хууль тогтоомжийг нарийвчлан батлах, түүнийг ягштал мөрдөхийн зэрэгцээ rule of law төлөвшсөн улсад Үндсэн хуулийн шүүхийн практик үйл ажиллагаагаар бий болгосон “ёс зүйн зарчмууд” эерэг нөлөөтэй байдаг байна. Эдгээр зарчмыг ч манай Үндсэн хуулийн цэц практик үйл ажиллагаагаараа тогтоох хэвшүүлэх шаардлагатай. Нөгөө талаас Улсын Их Хурлаас Цэцэд холбогдох хууль тогтоомжид нэмэлт, өөрчлөлт оруулах шаардлага, тулгамдсан асуудлын талаар энэхүү эсээнд товч хөндлөө.

Үндсэн хуулийн цэц, парламент хоорондын харилцаа, цэцийн гишүүний томилгоо, цэцийн гишүүний хараат бус байдал

2018-04-28

4

Монгол

Бүрэн эхээр нь үзэх

2018-06-06

6696

267

Д.Ренчиндорж “Үндсэн хуулийн цэц ба парламентын харилцаа, тулгамдсан асуудал” (2018), ... дахь/дэх тал. Legaldata-аас унших боломжтой: https://legaldata.mn/b/356

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх