Үндсэн хуулийн цэц 2013 оны 04 дүгээр тогтоолоор шүүх бүрэлдэхүүнд иргэдийн төлөөлөгч оролцох нь Үндсэн хууль зөрчсөн гэж үзсэн билээ. Энэхүү өгүүлэл нь гурван хэсгээс бүрдэнэ. Нэгдүгээр хэсэгт, ардчилсан орнуудад хэрэг, маргааныг анхан шатны журмаар хянан шийдвэрлэхэд иргэдийг оролцуулдаг загваруудыг товчхон судална. Хоёрдугаар хэсэгт, иргэдийн төлөөлөгчийг шүүх бүрэлдэхүүнд оруулахыг хүчингүй болгосон шийдвэрийн үндэслэлүүдэд дүн шинжилгээ хийж няцаах болно. Гуравдугаар хэсэгт, иргэдийн төлөөлөгчдийг шүүх бүрэлдэхүүнд оролцуулах нь Үндсэн хуулийн Тавин хоёрдугаар зүйлийн 2 дахь хэсгийн агуулга төдийгүй Үндсэн хуулийн суурь зарчимд нийцсэн үндэслэлтэй тайлбар гэдгийг танилцуулна.

Ардчилсан ёс, шударга ёс, шүүхийн нээлттэй, ил тод байдал, шүүхийн иргэдийн төлөөлөгч, хэрэг, маргаан хянан шийдвэрлэхэд иргэдийн төлөөлөгчийг оролцуулах нь, тангарагтны шүүх (jury), мэргэжлийн бус шүүгч (lay judge), Монгол Улсын Үндсэн хууль ба шүүхийн иргэдийн төлөөлөгч, Үндсэн хуулийн цэцийн 2013 оны 04 дүгээр дүгнэлт, Үндсэн хуулийн 2014 оны 01 дүгээр тогтоол