Нэгэнт "эзгүй арал дээр ганцаараа биш" нийгмийн дунд амьдарч байгаа учир нэг эрх нь бусад хүний эрх эсхүл нийтийн ашиг сонирхолтой зөрчилдөх тохиолдлоос зайлсхийх боломжгүй. Ийм тохиолдолд эрх бүхий төрийн байгууллагаас ямар зарчим баримталж, ямар нөхцөл байдлыг харгалзан үнэлж, шийдвэр гаргах ёстой вэ гэдэг асуудал гарна.

Юуны өмнө энэ талаархи суурь ойлголт нь хүний эрхийг хангахад гүйцэтгэх төрийн үүрэгтэй шууд холбоотой. Хүний эрхийн гүйцэтгэх чиг үүргийг уламжлалт, обьектив чиг үүргээс гадна хамгаалах, мөн нийгмийн дэг журам сахиулах дөрвөн чиг үүрэгтэй гэж судлаачид үздэг. Үүнээс хүний эрхийг хамгаалах чиг үүргийн дагуу төрөөс зарим эрхийг баталгаажуулах нь зайлшгүй үүрэг болно. Дараах тодорхой үйл ажиллагааг хэрэгжүүлэх нь нэгэнт төрөөс хүлээсэн чиг үүргийг үр дүнтэй хэрэгжүүлэх нөхцөл болно.

А.Хуулийг төсөөтэй хэрэглэх /төсөөтэй хэрэглэхийг хориглодог заалт анхаарах/
Б.Хуулийг системтэй тайлбарлах
В.Тэнцвэртэй байдлыг харгалзан тайлбарлах
Г.Хэм хэмжээг шилжүүлж хэрэглэх
Д.Зөрчилдөөнийг шийдвэрлэхэд харгалзах үндсэн зарчмыг баримтлах