Энэхүү өгүүллээр Нэгдсэн Үндэстний Байгууллагаас 2007 онд батлан хэвлүүлсэн “Дэлхийн эрүүгийн загвар хууль”-ийг гаргах болсон үндэслэл, ач холбогдол сэдвийн хүрээнд Дэлхийн эрүүгийн загвар хуулийн талаар товч танилцуулах, түүний судлагдсан байдал, загварын хуулийн гарын авлагын товч агуулга, танилцуулга, загвар хууль Монгол Улсын эрүүгийн хууль тогтоомжийн шинэчлэлд үзүүлсэн ач холбогдлын талаар хөндөнө.
Энэ сэдвийн хүрээнд (1) Дэлхийн эрүүгийн загвар хууль гаргах болсон үндэслэл, ач холбогдол, (2) “Model Codes for Post-Confliсt Criminal Justice. Peacebuilding and Rule of Law.” гарын авлагын тухай, (3) Монгол Улсын эрүүгийн эрх зүйн шинэчлэлд дэлхийн эрүүгийн загвар хуулийн ач холбогдол гэсэн дэд сэдвүүдэд хуваан агуулгыг бичихийг зорилоо.
Өгүүлэлийг бичихдээ 2007 онд НҮБ-аас батлан хэвлүүлсэн “Model Codes for Post-Conflict Criminal Justice. Peacebuilding and Rule of Law. Washington 2007” ном, Дэлхийн эрүүгийн загвар хуулийн удиртгал хэсэг, МУИС-ын Хууль зүйн сургуулиас эрхлэн гаргадаг “Эрх зүй (Law Review)” сэтгүүлд хэвлэгдсэн судалгааны өгүүлэл, доктор, профессор Д.Баярсайхан “Эрүүгийн эрх зүй, эрүүгийн процессын шинэтгэлийн асуудлууд” Улаанбаатар хот, 2019 он ном болон бусад цахим эх сурвалжийг ашигласан болно. Мөн Улсын Их Хурлаас баталсан Эрүүгийн хуульд нэмэлт, өөрчлөлт оруулах тухай хуулийн төсөл, Зөрчлийн тухай хуульд нэмэлт, өөрчлөлт оруулах тухай хуулийн төсөл боловсруулсан ажлын хэсэгт ажилласан гишүүнээс Дэлхийн эрүүгийн загвар хуультай холбоотой тодорхой мэдээллийг авч ашигласан.

Дэлхийн эрүүгийн загвар хууль, загвар хуулийн танилцуулга, дэлхийн эрүүгийн загвар хуулийн товч танилцуулга