Мансууруулах болон сэтгэцэд нөлөөлөх эм бэлдмэл бодисыг хэрэглэх явдал нь газар авч хүн амын эрүүл мэндэд төдийгүй, улс орны язгуур эрх ашиг, сонирхолд хор хөнөөл учруулж үндэсний аюулгүй байдал алдагдах хэмжээнд хүрснийг цаг үе бидэнд сануулж байна.
НҮБ¬-ын Мансууруулах бодис, гэмт хэрэгтэй тэмцэх албанд дараах төрлийн мансууруулах бодисыг хэрэглэж байгаа дүн мэдээ байна. Каннабис хэрэглэдэг ¬166.5 сая хүн, Амфетамины төрлийн сэргээх үйлчилгээтэй бодис хэрэглэгч ¬33.7 сая хүн, Экстази хэрэглэж байгаа 24.7 сая хүн, Опиум хэрэглэж байгаа ¬16.5 сая хүн, Геройн ¬12 сая хүн Кокайн ¬16 сая хүн хэрэглэж байгаа тухай тус тус бүртгэгдсэн байна.
Монгол улсад дээр дурьдагдсан мансууруулах төрлийн бодисуудаас геройноос бусад төрлийн бодис хэрэглэгдэж байгаа бөгөөд сүүлийн жилүүдэд мансууруулах бодис хэрэглэгчдын тоо өссөөр байгааг Хар тамхи, мансуурлаас иргэдийг хамгаалах нийгэмлэгээс болон бусад төрийн, төрийн бус байгууллагууд анхааруулсаар байгаа билээ.
Мансууруулах болон сэтгэцэд нөлөөлөх эм бэлдмэл бодистой холбоотой гэмт хэргийн талаар авч үзэхийн өмнө энэ төрлийн гэмт хэргийн бүрэлдэхүүний талаар авч үзэх нь зүйтэй.
Монгол Улсын Эрүүгийн Хуулийн 1-р зүйлийн 1.1 дэх хэсэгт Монгол Улсын тусгаар тогтнол, үндэсний аюулгүй байдал, хүний эрх, эрх чөлөө, нийтийн болон хувийн өмч, үндэсний баялаг, байгаль орчин, эрх зүйн журам, энх тайван, хүн төрлөхтний аюулгүй байдлыг гэмт халдлагаас хамгаалахад оршино . Гэж зааснаас үзэхэд иргэний амьд явах, эрүүл аюулгүй орчинд амьдрах эрх нь Монгол Улсын Үндсэн Хууль, Эрүүгийн хууль болон бусад хууль тогтоомж, эрх зүйн актуудаар зохицуулагдаж, хамгаалагдаж байна.

мансууруулах бодис, хэрэглэх, шалгах, биечилсэн судалгаа, илрүүлэх, этгээд, хар тамхи