Нутгийн өөрөө удирдах ёсны байгууллага болон Засаг даргын нэхэмжлэлтэй хариуцагч бохирдуулагч компаниас байгаль орчны нөхөн сэргээлт хийх хуулиар хүлээсэн үүргээ бүрэн гүйцэтгээгүйгээс байгаль орчинд учирсан хохирлыг нөхөн төлүүлэх, байгаль орчны нөхөн сэргээлтийн зардлыг нэхэмжилсэнтэй холбоотой иргэний хэргийн шийдвэрт дүн шинжилгээ хийсэн болно.
Шүүхээс байгаль орчны нөхөн сэргээлт хийх хуулиар хүлээсэн үүргээ биелүүлээгүйгээс байгаль орчинд учирсан хохирлын нөхөн төлбөр болон байгаль орчны нөхөн сэргээлтийн зардлыг нэхэмжилсэн нэхэмжлэлийн зүйлийн ялгааг тодорхойлж, улмаар хариуцагч компаниас байгаль орчинд учирсан хохирлыг нөхөн төлүүлэх тухай шийдвэр гаргажээ. Тус шүүхийн шийдвэрт байгаль орчны хохирлыг шүүхээр нэхэмжлэхтэй холбоотой олон чухал асуудлыг хөндсөн байх боловч судлаачийн хувьд нэгдүгээрт, байгаль орчны хохирол, түүний нөхөн төлбөр ба байгаль орчныг нөхөн сэргээх зардал гэсэн хоёр нэр томьёоны агуулга болон хэрэглээний асуудал, хоёрдугаарт, сум дүүргийн Иргэдийн төлөөлөгчийн хурлын Тэргүүлэгчдийн дарга болон Сум, дүүргийн Засаг даргын байгаль орчны асуудлаар иргэний хэргийн нэхэмжлэл гаргах эрх зүйн үндэслэлийн тухай гэсэн хоёр асуудлын хүрээнд дүн шинжилгээ хийлээ. Цаашид тус хэрэгт дүн шинжилгээ хийх боломжтой бусад асуудлын тухайд дүн шинжилгээний дүгнэлт, санал хэсэгт тэмдэглэсэн болно.

байгаль орчны бохирдол, байгаль орчны хохирол, байгаль орны хохирлын нөхөн төлбөр, байгаль орчны нөхөн сэргээлт