Эрхтний донорын эрх зүйн зохицуулалт

Ганбаатарын Батцэцэг

Магистрын ажил

Эрүүл мэнд & Спортын эрх зүй

Аливаа улс орны гол нэгж нь иргэд байдаг. Иймээс иргэдийн эрүүл мэндийн асуудал нь гол чухал сэдэв юм. Орчин үеийн анагаахын шинжлэх ухааны ололт амжилтууд нь эмчилгээний шинэ боломжуудыг нээж олон тооны эдгээхэд хүнд өвчнүүдийг эмчлэх үр дүнтэй аргуудыг практикт нэвтрүүлэх боломж олгож байгаа билээ. Тэдний нэг нь хүний цус, эс, эд, эрхтэн шилжүүлэн суулгалт юм. Хүний цус, эд эрхтнийг шилжүүлэн суулгах нь эдгэшгүй өвчинтэй хүний амь насыг аврах, эрүүл мэндийг нь нөхөн сэргээх туйлын үр дүнтэй арга юм. Эд, эрхтнийг шилжүүлэн суулгах нь үр дүн сайтай эрэлттэй чиглэлүүдийн нэг болсонтой холбоотойгоор эд, эрхтнээ шилжүүлэн суулгуулах хүсэлтэй эмчлүүлэгчдийн тоог их хэмжээгээр нэмэгдүүлжээ.
Монгол эмч нар хүний эд эрхтнийг шилжүүлэн суулгах мэс ажилбарыг дотооддоо хийх явдал өргөжиж байгаатай холбоотойгоор эерэг, сөрөг олон үр дагавар гарч байгаа билээ. Сөрөг үр дагаврын нэг нь бусдын эд эрхтнийг хууль бусаар авч, худалдаалах гэмт хэрэг үүсэн гарах шалтаг шалтгаан бий болж байгаа явдал юм.1
Манай улсын эдийн засгийн тогтворгүй байдлаас шалтгаалан ядуурал, ажилгүйдэл ихэссэн нь энэ төрлийн гэмт хэрэг гарах томоохон шалтгаан нөхцлийг бүрдүүлэх боломжтой хэмээн үзэж байгаа юм. Энэхүү цус, эс, эд, эрхтэн хууль бусаар авах гэмт хэрэг нь анагаахын шинжлэх ухаан болон хууль зүйн шинжлэх ухааны огтлолцол дээр үүсдэг харилцаа бөгөөд эрүүгийн эрх зүй дэх эмнэлэгийн эрх зүйтэй холбогдох зүйл хэсгүүд нь орчин үед зайлшгүй судлах шаардлагатай сэдэв болоод байгаа юм.

Донор, реципиент, эрхтэн шилжүүлэн суулгалт, донорын эрх зүйн зохицуулалт, нас баралт

2020-10-10

65

Монгол

Бүрэн эхээр нь үзэх

2021-04-19

3675

69

33

Г.Батцэцэг “Эрхтний донорын эрх зүйн зохицуулалт” (2020), ... дахь/дэх тал. Legaldata-аас унших боломжтой: https://legaldata.mn/b/932

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх