Өмгөөллийн "Легал Гайд" хуулийн фирмийн 15 жилийн ойд зориулан хуульч, өмгөөлөгч Т.Мөнх-Очир "Олон нийтийн амгалан тайван байдал алдагдуулах гэмт хэргийн зүйлчлэлийн үндсэн асуудал" номыг хэвлүүлсэн бөгөөд тус номын нээлтийн арга хэмжээ 2024.11.27-ны өдөр МУИС- ийн төв номын сангийн 502 тоотод боллоо.

Зохиогч тус номдоо Эрүүгийн хуулийн Тусгай ангийн 20.16 дугаар зүйлд хуульчлагдсан "Олон нийтийн амгалан тайван байдал алдагдуулах гэмт хэрэг"-ийн түүхэн уламжлал, харьцуулсан судалгаа болон практик хэрэглээ дээр тулгуурлан уг гэмт хэргийн онцлог шинж, зүйлчлэлийн асуудлын талаар хөнджээ. Энэхүү бүтээлийн нэгдүгээр бүлэгт олон нийтийн амгалан тайван алдагдуулах гэмт хэргийн эрүүгийн эрх зүйн зохицуулалт, харьцуулсан судлалын асуудлыг, хоёрдугаар бүлэгт тухайн гэмт хэргийн үндсэн шинж, эрүүгийн хариуцлагын талаар, гуравдугаар бүлэгт шүүхээс зүйлчлэл хийхдээ уг гэмт хэргийн үндсэн шинжийг хэрхэн тайлбарлаж буй судалж, шүүхийн шийдвэрт дүн шинжилгээ хийх замаар эрх зүйн зохицуулалтыг боловсронгуй болгох асуудлыг авч үзжээ. 

Өмнөх Дараах