Төрийн эрх мэдэл хуваарилах онол ёсоор бол парламент төлөөллийн ардчиллын дагуу хууль тогтоох нийтлэг чиг үүргийг хэрэгжүүлдэг бөгөөд “парламент хууль тогтоох эрх мэдлийг хэрэгжүүлж, засгийн газрын үйл ажиллагааг хянадаг нь парламентат ёсны гол нөхцөл” юм. Парламентын энэхүү хууль тогтоох чиг үүрэг нь уг онолын үндсэн шаардлагууд болох “хууль тогтоох, гүйцэтгэх, шүүх гэсэн төрийн өндөрлөгүүд бие биенийхээ хэрэгт дур мэдэн оролцохгүй, аль нэг нь илүү эрх дарх эдлэхгүй, харилцан хянаж байх ёсыг” шаардаж байдаг. Төрийн эрх мэдэл хуваарилах тухай асуудал нь ном, сурах бичигт олонтаа дурьдагдсан мөн судлагдсан байх боловч сүүлийн үед эрдэмтэн, судлаачдын хувьд Монгол улсад төрийн эрх мэдлийг хуваарилсан уу, хуваарилсан бол зөв гольдрол байгаа эсэх талаар нэлээд маргаан өрнөх болжээ.

Энэ бүтээлээр “check and balance”-ийн зарчмын үүднээс буюу эрх мэдэл хуваарилагдсан эсэхийг илүү агуулгын талаас нь харж Монгол улсын үндсэн хуульд дүн шинжилгээ хийсэн болно.

Монгол Улс дахь төрийн эрх мэдлийн хуваарилалт, төрийн эрх мэдлийн хуваарилалт ба Монгол Улсын Үндсэн хууль, Монголын төрийн тогтолцоог “check and balance”-ийн зарчмын үүднээс авч үзэх нь