Үндсэн зээл, зээлийн хүүгийн нийлбэрийг зээлийн гэрээний үүрэг гэж үзнэ
Туршилтаар
Шийдвэрийн дугаар: огноо, дугаар: 210/МА2022/01657
Шийдвэрийн төлөв: Хүчин төгөлдөр болсон.
2022.10.11, шийдвэр-хураангуй: дугаар 06
Иргэн Од шүүхэд хандан, зээлийн гэрээний үүргээ биелүүлээгүй тул нийт 86,850,000 төгрөгийг Хангайгаас гаргуулахаар нэхэмжлэл гаргажээ.
Хэрэгт авагдсан баримтаар, иргэн Од нь 2018 оны 05 дугаар сарын 21-ний өдөр Хангайд 45,000,000 төгрөгийг 12 сарын хугацаатай, сарын 4 хувийн хүүтэй зээлдүүлж, зээлийн гэрээгээр “гэрээнд заасан хугацаа хэтрүүлсэн тохиолдолд хоног тутамд гүйцэтгээгүй үүргийн 0,5 хувийн алданги тооцон төлөх”-өөр талууд тохиролцжээ. /ИХ-ийн 232.6/
Түүнчлэн, Хангай нь зээл авснаас хойш зээлийн хүүд 14,900,000 төгрөг төлж, өөр төлөлт хийгээгүй байна.
Нэхэмжлэгчээс “… зээлийн гэрээний үүргээ биелүүлээгүй тул үндсэн зээл 45,000,000 төгрөг, зээлийн хүү 12,900,000 төгрөг, алданги 28,950,000 төгрөгийг Хангай төлөх үүрэгтэй” гэж, Хангайгаас “… үнийн дүнг хүлээн зөвшөөрөхгүй, 6,700,000 төгрөгийн хүүгийн үлдэгдэл байгаа, Иргэний хуульд заасан анз тооцох зохицуулалтын дагуу 45,000,000 төгрөгийн 50 хувиар алданги тооцох ёстой” гэж маргажээ.
Анхан шатны шүүхээс зээлдэгч Хангай нь гэрээгээр тогтоосон хугацаанд зээл, зээлийн хүүг буцаан төлөх үүргээ биелүүлээгүй гэж үзэж, зээлийн төлбөрт 77,550,000 төгрөгийг хариуцагчаас гаргуулан нэхэмжлэгчид олгож, нэхэмжлэлээс үлдэх 9,300,000 төгрөгт холбогдох хэсгийг хэрэгсэхгүй болгож шийдвэрлэсэн байна.
Хариуцагч Хангайгаас “... шүүх алдангийг тооцохдоо үндсэн зээлийн төлбөр дээр хүүгийн төлбөрийг нэмж, үүнээс алданги тооцон, хуулийг буруу тайлбарлан хэрэглэсэн, хүүгийн төлбөрөөс алданги тооцсон хэсгийг хүчингүй болгуулна” гэх агуулгаар гаргасан гомдлоор давж заалдах шатны шүүх хэргийг хянаад анхан шатны шүүхийн шийдвэрийг хэвээр үлдээж, хариуцагчийн гомдлыг хангахгүй орхиж шийдвэрлэв.
Учир нь зээлийн гэрээгээр зээлдэгч Хангай үндсэн зээлд ногдох 4 хувийн хүүг сар бүр төлөх, гэрээний хугацааны эцэст үндсэн зээл төлөх үүрэг гэрээгээр хүлээсэн байх тул үндсэн зээл, зээлийн хүүгийн нийлбэрийг зээлдэгчийн гүйцэтгэх үүрэг гэж үзнэ.
Иймд Хангайгийн төлөөгүй үндсэн зээл болох 45,000,000 төгрөг, зээлийн хүү 6,700,000 төгрөг, нийт 51,700,000 төгрөгөөс хоногт тутамд 0,5 хувиар алданги тооцох үндэслэлтэй. Гэхдээ, Иргэний хуульд зааснаар алдангийн нийт дүн нь гүйцэтгээгүй үүргийн 50 хувиас хэтэрч болохгүй тул алдангийн хэмжээг төлвөл зохих 51,700,000 төгрөгийн 50 хувиар тооцож, 25,850,000 төгрөгөөр тогтоон, нийт зээлийн төлбөрт 77,550,000 төгрөгийг хариуцагч Хангайгаас гаргуулахаар шийдвэрлэсэн анхан шатны шүүхийн шийдвэрийг зөв гэж үзсэн болно.
Шийдвэрийг бүрэн эхээр нь үзэх бол ЭНД дарна уу.
Хураангуй бэлтгэсэн: Нийслэлийн Иргэний хэргийн давж заалдах шатны шүүхийн шүүгч Ч.Цэнд
Холбоосууд:
МЭДЭЭ, МЭДЭЭЛЭЛ
2024 оны 4 дүгээр сарын эрэлттэй бүтээлийн чансаа
1 day ago
legal talk+ №03 – Цэц шинэчлэгдэх үү?
1 week ago
"Төв банкны бие даасан, хараат бус байдал, түүний эрх зүйн зохицуулалт" сэдэвт эрдэм шинжилгээний хурал - 2021
1 week ago
Special Ep4: УИХ-ын 2023 оны Хавар, Намрын ээлжит чуулганаар ямар хуулиуд хэлэлцэгдэж байна вэ?
1 week ago
ШҮҮХИЙН ШИЙДВЭРИЙН ХУРААНГУЙ
-
Төлбөрийн баримтыг борлуулалтын үнийн дүнгээс зөрүүтэй олгосон бол зөрчлийн тухай хуулийн дагуу хариуцлага хүлээнэ
2024-04-26
-
Мэргэжлийн хариуцлагын даатгалаас бусад тохиолдолд даатгалын гэрээ нь бизнес эрхлэгчийн мөрдвөл зохих хэм хэмжээг зөрчсөний улмаас бий болох хохирлоос сэргийлэх агуулгатай байх боломжгүй
2024-04-25
-
Ашиглалтын тусгай зөвшөөрөл эзэмшигч ба байгаль орчныг хамгаалах, орон нутгийн хөгжилд дэмжлэг үзүүлэх гэрээ
2024-04-19
-
Хууль зүйн үндэсний хүрээлэн
2024-05-02 Судалгааны тайландуудаж байна ! -
Хууль зүйн үндэсний хүрээлэн
2024-04-30 Судалгааны тайландуудаж байна ! -
Judilogy
2024-04-29 Мэдээллийн хуудасдуудаж байна ! -
Хууль зүйн үндэсний хүрээлэн
2024-04-28 Судалгааны тайландуудаж байна ! -
Хууль зүйн үндэсний хүрээлэн
2024-04-28 Судалгааны тайландуудаж байна ! -
Judilogy
2024-04-22 Мэдээллийн хуудасдуудаж байна ! -
Tsogoo Lkhagva
2024-04-19 Эрдэм шинжилгээний өгүүлэлдуудаж байна ! -
Шүүхийн сургалт, судалгаа, мэдээллийн хүрээлэн
2024-04-19 Сэтгүүлдуудаж байна ! -
Пүрвээгийн Баттулга, Болор-Эрдэнийн Төрболд
2024-04-19 Эрдэм шинжилгээний өгүүлэлдуудаж байна ! -
Judilogy
2024-04-16 Мэдээллийн хуудасдуудаж байна !