Түрээсийн төлбөрийг гадаад валютаар тооцсон тохиолдолд хариуцлага хүлээлгэнэ

2023-03-06 Захиргааны хэргийн давж заалдах шатны шүүх

Туршилтаар

Шийдвэрийн дугаар: 2022.08.25 221/МА/2022/0575

Шийдвэрийг төлөв: Хүчин төгөлдөр болсон

2023 он 01 сар 26 өдөр, шийдвэр-хураангуй: №4

Үл хөдлөх эд хөрөнгийн түрээс, зуучлалын үйл ажиллагаа эрхэлдэг “К” ХХК-д зарим үл хөдлөх эд хөрөнгийн түрээсийн төлбөрийг өөрийн фейсбүүк хуудсаараа ам.доллараар зарлан сурталчилсан нь Төлбөр тооцоог үндэсний мөнгөн тэмдэгтээр гүйцэтгэх тухай хуультай зөрчилдсөн гэж үзэн торгох шийтгэл ногдуулжээ.

Зөрчлийн тухай хуулийн 11.30 дугаар зүйлийн 1.2-т “Монголбанкны албан ёсны зөвшөөрөлгүйгээр гадаад валют, тооцооны нэгжээр үнэ тогтоосон, эсхүл төлбөр тооцоо гүйцэтгэсэн, эсхүл зарлан сурталчилсан бол тухайн үйл ажиллагаанаас олсон хөрөнгө, орлогыг хурааж, …хуулийн этгээдийг дөчин мянган нэгжтэй тэнцэх хэмжээний төгрөгөөр торгоно” гэж заасан бөгөөд анхан шатны шүүхээс дээрх шийтгэлийг үндэслэлтэй гэж дүгнэснийг давж заалдах шатны шүүхийн магадлалаар хэвээр үлдээхдээ өөрийн фейсбүүк хуудсаар түрээсийн төлбөрийг ам.доллараар зарлан сурталчилсаныг албан ёсны зөвшөөрөлгүйгээр гадаад валютаар түрээсийн үнэ тогтоосон, мөн зарлан сурталчилсан байна гэж үзсэн болно.

Төлбөр тооцоог үндэсний мөнгөн тэмдэгтээр гүйцэтгэх тухай хуулийн 1 дүгээр зүйлийн 1.1-д “Энэ хуулийн зорилт нь Монгол Улсын нутаг дэвсгэрт бараа, ажил, үйлчилгээний үнийг үндэсний мөнгөн тэмдэгт төгрөгөөр илэрхийлж, төлбөр тооцоог гүйцэтгэхтэй холбогдсон харилцааг зохицуулахад оршино” гэж заасан тул үл хөдлөх эд хөрөнгө түрээслэх “үйлчилгээ”-нд энэ хууль нэгэн адил мөрдөгдөнө.

Дээрх шийдвэр, магадлалыг Улсын дээд шүүхийн захиргааны хэргийн тахимын хяналтын шатны шүүх хуралдааны 2023 оны 1 дүгээр сарын 16-ны өдрийн тогтоолоор хэвээр үлдээсэн байна. 

Санамж: Энэ хураангуй нь бүрэн гүйцэд шүүхийн шийдвэр биш бөгөөд түүнийг орлохгүй, зөвхөн шүүхийн шийдвэрийг олон нийтэд ойлгомжтой байдлаар мэдээлэн хүргэх зорилготой болно.

Анхан шатны шүүхийн шийдвэрийг үзэх бол энд, давж заалдах шатны шүүхийн магадлалыг үзэх бол энд, хяналтын шатны шүүхийн тогтоолыг үзэх бол энд дарна уу.

Хураангуй бичсэн: Захиргааны хэргийн давж заалдах шатны шүүхийн  шүүгч Э.Лхагвасүрэн

Холбоосууд:

https://admincourt2.gov.mn/site/full_story/3219

МЭДЭЭ, МЭДЭЭЛЭЛ

“Дагнасан шүүхийн тогтолцоо: Хүүхдийн эрх ашиг ба гэр бүл” олон улсын эрдэм шинжилгээний хурал (III хэсэг)

1 day ago

“Дагнасан шүүхийн тогтолцоо: Хүүхдийн эрх ашиг ба гэр бүл” олон улсын эрдэм шинжилгээний хурал (II хэсэг)

3 days ago

S2EP22. А.Түвшинтөгс: Бэлэглэлийн гэрээг хүчингүй болгох болон хүчин төгөлдөр бус тооцсон талаар маргаан шийдвэрлэсэн шүүхийн шийдвэрт хийсэн дүн шинжилгээ

5 days ago

“Дагнасан шүүхийн тогтолцоо: Хүүхдийн эрх ашиг ба гэр бүл” олон улсын эрдэм шинжилгээний хурал (I хэсэг)

5 days ago

Бусад мэдээ, мэдээлэл

ШҮҮХИЙН ШИЙДВЭРИЙН ХУРААНГУЙ

Бүгд