Өмчлөх эрхийг хуулийн дагуу, шударгаар олж аваагүй бол Улсын бүртгэлийн гэрчилгээг үнэн зөв гэж үзэхгүй

2022-08-05 Сонгинохайрхан дүүргийн Иргэний хэргийн анхан шатны шүүх

Иргэн Алтангоо нь шүүхэд хандаж, ажлын газраас олгосон байрны  өмчлөгчөөр улсын бүртгэлд бүртгүүлж гэрчилгээ авсан гэх үндэслэлээр тус байранд оршин сууж байгаа Тунгалагийг албадан гаргуулах нэхэмжлэл гаргасан.

Хариуцагч Тунгалаг нь тухайн байрыг мөн ажлын газраас нь гэрээний дагуу эзэмшүүлсэн тул Алтангоогийн өмчлөх эрхийг хүчингүй гэж үзсэн. 

Хэрэгт авагдсан нотлох баримтуудаар нэхэмжлэгч Алтангоо болон хариуцагч Тунгалаг нарыг ажиллуулдаг байгууллага нь тэдгээрт тус бүрд нь байрыг хэсэгчлэн  эзэмшүүлэхээр гэрээ байгуулсан байсан. Улмаар нэхэмжлэгч Алтангоо нь нийт байрны өмчлөгчөөр улсын бүртгэлд бүртгүүлж дангаар өмчлөх гэрчилгээ авсан болох нь тогтоогдсон.

Нэхэмжлэгч Алтангоо нь хэдийгээр улсын бүртгэлд маргаан бүхий байрны өмчлөгчөөр ганцаар бүртгэгдсэн боловч тухайн байрыг өмчлөх эрхийг хуульд заасан журмын дагуу олж аваагүй болох нь хэрэгт авагдсан баримтуудаар мөн тогтоогдсон.

Ийнхүү өмчлөх эрхийн талаар талууд маргасан үед шүүх улсын бүртгэлд хэнийг өмчлөгчөөр бүртгэсэн эсэхээс үл хамаарч тухайн этгээд өмчлөх эрхийг хуулийн дагуу олж авсан эсэхийг шалгадаг. Хэрэв өмчлөх эрхийг хуулийн дагуу олж аваагүй бол улсын бүртгэлд өмчлөгчөөр бүртгэгдсэн байсан ч энэ эрхээ хэрэгжүүлэх боломжгүй гэж шүүх үзсэн.

Санамж: Энэ хураангуй нь шүүхийн шийдвэр биш бөгөөд түүнийг орлохгүй, зөвхөн олон нийтэд ойлгомжтой байдлаар мэдээлэл хүргэх зорилготой болохыг тэмдэглэв. Анхан шатны шүүхийн шийдвэрийн дэлгэрэнгүйтэй дараах линкээр танилцана уу. 

 

Хураангуй бэлтгэсэн: Сонгинохайрхан дүүргийн Иргэний хэргийн анхан шатны шүүхийн шүүгч Б.Хишигбаатар

Холбоосууд:

https://bit.ly/3QdJnxW
https://bit.ly/3REdcJb

МЭДЭЭ, МЭДЭЭЛЭЛ

S2EP19. П.Намуун - Хууль бусаар мөрдөж мөшгих гэмт хэргийн шүүхийн шийдвэрт хийх дүн шинжилгээ

1 day ago

2025 оны 4 дүгээр сарын эрэлттэй бүтээлийн чансаа

1 week ago

“Легал дата"-ийн ТУЗ-ийн дарга, доктор, олон улсын арбитрч Т.Алтангэрэл Сингапурын Олон Улсын Арбитрын Төв, Хөрөнгө Оруулалтын Маргаан Шийдвэрлэх Олон Улсын Төв, БНСУ-ын Арилжааны Арбитрын Зөвлөлийн арбитрчаар томилогдон ажиллаж байна

2 weeks ago

2025 оны 3 дугаар сарын эрэлттэй бүтээлийн чансаа

1 month ago

Бусад мэдээ, мэдээлэл

ШҮҮХИЙН ШИЙДВЭРИЙН ХУРААНГУЙ

Бүгд