Улсын бүртгэлд бичигдсэн тэмдэглэлийг үнэн зөв гэж тооцно
Нийслэлийн Иргэний хэргийн давж заалдах шатны шүүхийн 2022 оны 04 сарын 11 өдрийн 210/МА2022/00682 дугаартай магадлал
Шийдвэрийн төлөв: Хүчин төгөлдөр болсон
Шийдвэрийн тойм: №06, 2022.03.27
Санамж: Энэхүү тойм нь шүүхийн шийдвэрийг орлохгүй бөгөөд олон нийтийг мэдээллээр хангах зорилготой болно.
Нэхэмжлэгч Б-ээс иргэн Ц-д холбогдуулан “… иргэн У болон Ц нарын хооронд байгуулсан барьцааны гэрээг хүчин төгөлдөр бус хэлцэл болохыг болон барьцааны эрх дуусгавар болсныг тус тус тогтоолгох” нэхэмжлэлийн шаардлага гаргажээ.
Хэрэгт авагдсан баримтуудаар, нэхэмжлэгч Б нь иргэн У-д 2 өрөө орон сууцаа худалдаж, орон сууцны өмчлөх эрхийг У-д шилжүүлж улсын бүртгэлд бүртгүүлсэн боловч У нь орон сууцны үнийг гэрээний дагуу төлөөгүй, улмаар уг орон сууцыг иргэн Ц-д барьцаалж зээл авсан боловч зээлээ мөн төлөөгүй байна.
Нэхэмжлэгч Б цагдаад гомдол гаргасны дагуу У-д эрүүгийн хэрэг үүсгэн, шүүхээс түүнийг залилах гэмт хэрэг үйлдсэн гэм буруутайд тооцож ял шийтгэл оногдуулжээ.
Анхан шатны шүүхээс “… иргэн У нь нэхэмжлэгч Б-г залилан мэхэлсний үндсэн дээр байгуулсан орон сууц худалдах-худалдан авах гэрээ хууль зөрчсөн хүчин төгөлдөр бус хэлцэл тул тухайн хэлцлийн үндсэн дээр У болон хариуцагч Ц нарын хооронд байгуулагдсан барьцааны гэрээ мөн хүчин төгөлдөр бус” гэж дүгнэн нэхэмжлэлийг хангаж шийдвэрлэжээ.
Давж заалдах шатны шүүх хариуцагч Ц-ийн гомдлоор хэргийг хянаад, “ … иргэн У нь нэхэмжлэгч Б-тай орон сууц худалдах-худалдан авах гэрээ байгуулснаар 2 өрөө орон сууц У-ын өмчлөлд шилжиж, улсын бүртгэлд У өмчлөгчөөр бүртгэгдсэн, мөн У хариуцагч Ц нарыг барьцааны гэрээ байгуулах үед дээрх орон сууц У-ын өмчлөлд бүртгэлтэй байсан бөгөөд уг бүртгэлд бичигдсэн тэмдэглэлийг буруу ташаа болохыг Ц мэдээгүй, мэдэх боломжгүй байсан тул Ц-ийн хувьд бүртгэл үнэн зөв” гэж дүгнэв.
Иймд, хариуцагчийн давж заалдах гомдол үндэслэлтэй, Б-ийн нэхэмжлэлээр, иргэн У, Ц нарын хооронд байгуулсан барьцааны гэрээг хүчин төгөлдөр бус гэж үзэх үндэслэлгүй гэж үзэж, анхан шатны шүүхийн шийдвэрийг хүчингүй болгож, иргэн Б-ийн нэхэмжлэлийг бүхэлд нь хэрэгсэхгүй болгож шийдвэрлэжээ.
Шийдвэрийг бүрэн эхээр нь унших бол энд дарна уу.
Тойм бэлтгэсэн: Нийслэлийн Иргэний хэргийн давж заалдах шатны шүүхийн шүүгч Д.Бямбасүрэн
Хуулийн лавлагаа:
56 дугаар зүйл. Хүчин төгөлдөр бус байх хэлцэл
56.1.Дараахь хэлцэл хүчин төгөлдөр бус байна:
56.1.10.дээр дурдсан хүчин төгөлдөр бус хэлцлийн үндсэн дээр хийсэн бусад хэлцэл.
183 дугаар зүйл. Улсын бүртгэлд бичигдсэн тэмдэглэл үнэн зөв байх
183.1.Эрх шилжүүлж байгаа этгээдийн нэр дээр улсын бүртгэлд бүртгүүлсэн эрхийг хэлцлийн үндсэн дээр олж авч байгаа этгээд улсын бүртгэлд бичигдсэн тэмдэглэлийг буруу ташаа болохыг мэдэж байсан, эсхүл уг бүртгэлийг буруу ташаа гэж эсэргүүцсэнээс бусад тохиолдолд үнэн зөв гэж тооцно.
Холбоосууд:
МЭДЭЭ, МЭДЭЭЛЭЛ
legal talk+ №03 – Цэц шинэчлэгдэх үү?
4 days ago
"Төв банкны бие даасан, хараат бус байдал, түүний эрх зүйн зохицуулалт" сэдэвт эрдэм шинжилгээний хурал - 2021
5 days ago
Special Ep4: УИХ-ын 2023 оны Хавар, Намрын ээлжит чуулганаар ямар хуулиуд хэлэлцэгдэж байна вэ?
5 days ago
Special Ep3: ChatGPT хуулийн салбарт
1 week ago
ШҮҮХИЙН ШИЙДВЭРИЙН ХУРААНГУЙ
-
Төлбөрийн баримтыг борлуулалтын үнийн дүнгээс зөрүүтэй олгосон бол зөрчлийн тухай хуулийн дагуу хариуцлага хүлээнэ
2024-04-26
-
Мэргэжлийн хариуцлагын даатгалаас бусад тохиолдолд даатгалын гэрээ нь бизнес эрхлэгчийн мөрдвөл зохих хэм хэмжээг зөрчсөний улмаас бий болох хохирлоос сэргийлэх агуулгатай байх боломжгүй
2024-04-25
-
Ашиглалтын тусгай зөвшөөрөл эзэмшигч ба байгаль орчныг хамгаалах, орон нутгийн хөгжилд дэмжлэг үзүүлэх гэрээ
2024-04-19
-
Judilogy
2024-04-29 Мэдээллийн хуудасдуудаж байна ! -
Хууль зүйн үндэсний хүрээлэн
2024-04-28 Судалгааны тайландуудаж байна ! -
Хууль зүйн үндэсний хүрээлэн
2024-04-28 Судалгааны тайландуудаж байна ! -
Judilogy
2024-04-22 Мэдээллийн хуудасдуудаж байна ! -
Tsogoo Lkhagva
2024-04-19 Эрдэм шинжилгээний өгүүлэлдуудаж байна ! -
Шүүхийн сургалт, судалгаа, мэдээллийн хүрээлэн
2024-04-19 Сэтгүүлдуудаж байна ! -
Пүрвээгийн Баттулга, Болор-Эрдэнийн Төрболд
2024-04-19 Эрдэм шинжилгээний өгүүлэлдуудаж байна ! -
Judilogy
2024-04-16 Мэдээллийн хуудасдуудаж байна ! -
Alternative NGO
2024-04-12 Гарын авлага & Аргачлалдуудаж байна ! -
Баттулгын Дөлгөөн
2024-04-10 Эрдэм шинжилгээний өгүүлэлдуудаж байна !